«Հանրապետություն» կուսակցությունը գտնում է՝ Լաչինի միջանցքում տեղի ունեցողը ապացույց է այն իրողության, որ Ադրբեջանի համոզմամբ ռուս խաղաղապահները կամ ի վիճակի չեն իրենց ստանձնած պարտավորվածությունը կատարել, կամ հանցագործ համաձայնության մեջ են արցախահայության հետ, կամ շահագրգռված են տարածաշրջանում լարվածության և նոր հակադրության ստեղծմամբ։
Համոզված ենք, որ ադրբեջանական հենակետը Արցախի հայաթափման, էթնիկ զտման և բռնի տեղահանության նպատակ ունի։ Ռուս խաղաղապահների պահվածքը բազմիցս քննադատվել է նաև ՀՀ և ԱՀ հանրային և պետական շրջանակներում։
Ստեղծված իրավիճակի հաղթահարման միակ հնարավորությունը հայկական և ադրբեջանական կողմի համար կլինի ՄԱԿ-ի մանդատով օժտված խաղաղարար ուժերի տեղակայումը Արցախում։ Մնացած տարբերակները հղի են նոր լարվածությամբ և պատերազմով։
Հաշվի առնելով այս հանգամանքը՝
Կարդացեք նաև
1.ՀՀ իշխանությունը պետք է սկսի անհապաղ գործընթաց ՄԱԿ-ի խաղաղապահների ներգրավման խնդրով։
2.Արագացնի ՄԱԿ-ի ցեղասպանության և էթնիկ զտման հանձնաժողովին դիմումը՝ Արցախի հայության՝ իրենց հայրենիքում ապրելու իրավունքը պաշտպանելու համար:
3.Ադրբեջանի իշխանության քայլերը ապացուցում են, որ Արցախի հարցի լուծումը «Անջատում հանուն փրկության» սկզբունքով է հնարավոր միայն:
«Հանրապետություն» կուսակցության քաղաքական խորհուրդ
