Aravot.am-ն անդրադարձել է պետական մարմինների՝ մեկ անձից գնման ընթացակարգով, առանց մրցույթի իրականացրած գնումներին ու ՔՊ-ի հետ փոխկապակցված անձանց միլիոնների փոխանցումներին:
2023-ի գնումների պլանի համաձայն՝ Ազգային ժողովը պատրաստվում է 25 մլն դրամի նոր տեսահսկողական համակարգեր գնել:
Մենք տեղեկատվության գրավոր հարցում արեցինք ԱԺ աշխատակազմին՝ պարզելու, թե որտե՞ղ են դրանք տեղադրվելու, երբ ԱԺ տարածքում արդեն իսկ ամենուրեք կան տեսախցիկներ եւ տեսահսկողական համակարգեր:
ԱԺ-ից մեր հարցմանն ի պատասխան՝ պարզաբանել են. «ԱԺ տեսահսկողական համակարգերը տեղադրվել են ավելի քան 10 տարի առաջ: Դրանք հին են, ցածրորակ եւ ժամանակակից տեխնիկայի հետ աշխատելիս խնդիրներ են առաջանում: Համակարգի ընդհանուր կառուցվածքն անվտանգային խնդիրներ ունի, ինչի պատճառով առաջիկայում նախատեսվում է ներդնել ցանցային տեսահսկողական համակարգ»:
Հռիփսիմե ՋԵԲԵՋՅԱՆ
