Կրեմլից հայտարարել են, որ անհրաժեշտ է լրացուցիչ ջանքեր գործադրել՝ կապված ադրբեջանական կողմի՝ Լաչինի միջանցքում անցակետ տեղադրելու քայլի հետ:
Ի պատասխան լրագրողների խնդրանքի՝ մեկնաբանել իրավիճակը՝ Ռուսաստանի նախագահի խոսնակ Դմիտրի Պեսկովն ասել է. «Ռուսաստանը շարունակում է իր միջնորդական ջանքերը, և գլխավորապես, նախկինում ստորագրված եռակողմ փաստաթղթերի բոլոր դրույթների կատարման ուղղությամբ: Ռուսաստանը կշարունակի աշխատել այդ ուղղությամբ Երևանի ու Բաքվի հետ»:
«Շփումները շարունակվում են: Իրավիճակը, իսկապես, հեշտ չէ, այն պահանջում լրացուցիչ ջանքեր, և գլխավորը, պահանջում է, որ հիշատակված երկրները հասկանան, որ նշված համաձայնագրերի իրագործումն այլընտրանք չունի»,- ասել է Պեսկովը:
Պատրաստեց Վիկտորյա ԱՆԴՐԵԱՍՅԱՆԸ
