Ֆրանսիան ափսոսում է Ադրբեջանի կողմից Լաչինի միջանցքի նոր ճանապարհի մուտքի մոտ անցակետ տեղադրելու կապակցությամբ, որը հակասում է հրադադարի համաձայնագրերով ստանձնած պարտավորություններին և վնասում է բանակցային գործընթացին։ Այս մասին ասվում է Ֆրանսիայի ԱԳՆ տարածած հայտարարության մեջ:
Ֆրանսիան Ադրբեջանին կոչ է անում կատարել իր միջազգային պարտավորությունները, մասնավորապես՝ կիրառել Միջազգային դատարանի փետրվարի 22-ի որոշման մեջ նշված միջանկյալ միջոցները, որոնք պարտադիր են։
Ֆրանսիայի ԱԳՆ-ն նաև կոչ է անում վերականգնել բեռների, մարդկանց և ապրանքների ազատ տեղաշարժը Լաչինի միջանցքով երկու ուղղություններով և գազի ու էլեկտրաէներգիայի շարունակական մատակարարումները բնակչությանը։
Պատրաստեց Վիկտորյա ԱՆԴՐԵԱՍՅԱՆԸ
