Արցախի ԱԳ նախարար Սերգեյ Ղազարյանն առցանց հանդիպել է ՌԴ քաղաքագետների եւ փորձագետների հետ։ Ներկայացրել է Արցախի շրջափակման հետեւանքով ստեղծված իրավիճակը։ Առցանց քննարկման մասնակիցներից վերլուծաբան, Մերձավոր Արեւելքի հարցերով փորձագետ Ստանիսլավ Տարասովին խնդրեցինք կիսվել իր տպավորություններով։
«Անշուշտ, շատ օգտակար հանդիպում էր, դուք խելացի նախարար ունեք, նա մեզ շատ դուր եկավ,- ասաց Տարասովը։- Մենք նույն լեզվով ենք խոսում, ակնարկների, երկիմաստ արտահայտությունների կարիք չենք զգում։ Մեզ համար հեշտ էր նրա հետ շփումը։ Մեր գնահատականներն ու տեսակետները, ընդհանուր առմամբ, համընկնում էին, բայց մեզ համար հետաքրքիր էր իմանալ, թե ինչ են մտածում տեղերում, Ստեփանակերտում։ Մեր կարծիքով, Մոսկվայի տեսակետները եւս մեծ հետաքրքրությամբ լսվեցին, եւ մեզ թվում է, որ պետք է ակտիվացնել Արցախի սեգմենտը ռուսական ինֆորմացիոն տարածքում։ Այդ ներկայությունն էապես կորել է։ Քննարկման ժամանակ հայտարարվել է, որ ստեղծելու ենք փորձագիտական խորհուրդ, որը պարբերաբար հանդիպումներ է կազմակերպելու։ Սա հասունացած խնդիր է։ Մենք նաեւ մեր իմացական բազան ընդլայնեցինք եւ, ի վերջո, տեսանք երիտասարդ ու խելացի, հայրենասեր մարդու»։
– Մենք չենք կարողանում մեր վարչապետից պատասխան ստանալ՝ Արցախն Ադրբեջանի՞ տարածքն է, թե՞ առանձին միավոր։ Իսկ դո՞ւք։
– Մենք էլ չենք կարողանում հասկանալ նրա դիրքորոշումը, անկեղծ ասած։ Ես ձեզ մի բան ասեմ միայն՝ ղարաբաղյան խանությունն առաջինն է միավորվել Ռուսաստանի հետ, Վրաստանից հետո՝ 1813 թվականին, երբ կնքվեց Գյուլիստանի խաղաղ պայմանագիրը։ Մենք երբեք դա չենք մոռանա։ Այստեղից եզրակացություն արեք։
Կարդացեք նաև
– Ադրբեջանցիներն ինչպե՞ս են մտածում, ի՞նչ է լինելու հետո։ Ինչքա՞ն է պահպանվելու փակուղին։
– Նրանց հաջողվեց հաղթել պատերազմում, բայց դիվանագիտությունը նրանց մոտ չի ստացվում։ Փաշինյանը նրանց հաղթում է, մեր մեջ ասած։
Սյուզան ՍԻՄՈՆՅԱՆ
Հոդվածն ամբողջությամբ՝ «Հրապարակ» օրաթերթի այսօրվա համարում:
