«Քանդեցին, ամեն ինչ ավիրեցին։ Երեք պատերազմի մասնակից եմ, մահից չեմ վախեցել, հիմա վախենում եմ, որովհետեւ տղաներին ի՞նչ պատասխան պետք է տամ։ Երեխաներիս ասել եմ՝ որ մեռնեմ, ինձ կգցեք Կուր գետը, չտանեք գերեզման, որովհետեւ այդտեղ չեմ կարող պատասխան տալ։ Սիրտս տրաքում է, «Եռաբլուրը» կարոտել եմ, բայց վախենում եմ գնալ։ Վերջը պետք է արթնանա՞նք, թե ոչ»,-Ազատության հրապարակում այսօր «Միասին» հասարակական-քաղաքական շարժման կազմակերպած՝ իշխանության հեռացման պահանջով հավաքի ժամանակ հայտարարեց ՀՀ ազգային հերոս Թաթուլ Կրպեյանի եղբայրը՝ Մանվել Կրպեյանը։
Նա քաղաքացիներին կոչ արեց մոռանալ ընդդիմությանն ու դիմությանը եւ միաբանվել․ «Որ կարողանանք տղաներին շիրիմին այցի գնալ․․․ես պատրաստ եմ հոգիս ու կյանքս տալ, միայն թե այս դժոխքից պրծնենք, տղաների հոգին էլ հանգիստ լինի»։
Լուիզա ՍՈՒՔԻԱՍՅԱՆ
