«Ասում են՝ այ էն ժամանակ խի՞ չենք հանդիպել բանակցած մարդկանց հետ եւ խորհրդակցել։ Հանդիպել ենք։ Տպավորությունը եղել է այն, որ մենք միամիտ ենք։ Կամ, իսկ ինչի՞ պտի բանակցային արդյունքների մասին հանդիպումներով իմանայինք։ Բա ո՞ւր էր բանակցությունների ընթացքը՝ արձանագրված ԱԳՆ-ում։ Դարակներից եւ սառնարանի ոտի տակից մի երկու թուղթ ենք գտել եւ իրար կպցրել»,-ԱԺ արտահերթ նիստում կառավարության ծրագրի կատարման 2022թ․-ի ընթացքի մասին զեկույցի քննարկման ժամանակ այսօր հայտարարեց վարչապետ Նիկոլ Փաշինյանը։
Նա շարունակեց․ «Եթե նույն Սերժ Սարգսյանը, Վարդան Օսկանյանը բան ունեին ինձ ասելու․․․էդ ո՞նց է Սերժ Սարգսյանը մարդ էր ուղարկում մոտս, ասում՝ տանս հարցը լուծի, ու չէր կարում խաբար ուղարկի՞, որ Ղարաբաղի հարցում սենց բաներ կան։ ԼՂ նախագահ Բակո Սահակյանը գալիս ինձ հետ սուրճ էր խմում․․․թող անստորագիր գրեր, խաբար ուղարկեր։ Օսկանյանը բան ուներ ասելու, թող ասեր։ Ասում է՝ պիտի ասեի, որ կամ հինգ շրջանը տուր, կամ յոթը, կամ երեքը․․․էն ժամանակ երկուսդ էլ հրապարակային ասեիք՝ վեր կաց ու հողերը հանձնի։ Խի՞ չէիք ասում։ Բա ինչի՞ էիք ասում՝ եկել է հողերը տա․․․Բա ասեիք՝ հազիվ եկել ես, լեգիտիմ ես, տուր հողերը, տուր հողերը։ Դժվա՞ր էր»։
Նիկոլ Փաշինյանը նաեւ ասաց՝ նշաձողի նվազեցման մասին ելույթն իրականում պետք է ոչ թե նախորդ տարի ունենար, այլ 2019թ․-ին։
Կարդացեք նաև
Լուիզա ՍՈՒՔԻԱՍՅԱՆ
