ՔՊ խմբակցության պատգամավոր Հովիկ Աղազարյանը ԱԺ մարդու իրավունքների պաշտպանության եւ հանրային հարցերի հանձնաժողովի նախագահի պաշտոնից Թագուհի Թովմասյանին պաշտոնանկ անելու գործընթաց է նախաձեռնել ու ԱԺ-ում ստորագրահավաք է իրականացնում:
Այսօր ԱԺ-ում լրագրողների հետ զրույցում նա ասաց, որ առաջիկայում այդ հարցով խմբակցությունը կքննարկի ու եթե որոշում կայացնեն, պաշտոնանկ կանեն: Հարցին ո՞ւմ եք տեսնում Թագուհի Թովմասյանի փոխարեն՝ Արթուր Հովհաննիսյանի՞ն, որն ասում էր՝ լեզուներդ կկտրեմ՝ Աղազարյանը պատասխանեց. «Բայց ինչո՞ւ Արթուր Հովհաննիսյանին, այդ հարցը վերապահված է ընդդիմությանը: Ընդդիմությունը պետք է նոր թեկնածու առաջադրի:
Նրա խոսքով՝ ՄԻՊ-ի թեկնածուի ընտրության այդ հայտնի նիստի ժամանակ Թագուհի Թովմասյանը «տրամադրված» է եկել, հակառակ պարագայում կարող էր ընդմիջում հայտարարել եւ կոչ անել, որ բոլորը մնան կոռեկտության սահմաններում, ինչը չի արել, այլ՝ թեկնածուին ձայն է տվել, որ խրատական «նոտացիաներ» կարդա հանձնաժողովի անդամների եւ պատգամավորների գլխին: Աղազարյանի դիտարկմամբ՝ Արթուր Հովհաննիսյանը պարզապես հարվածը իր վրա վերցրեց ու ՄԻՊ թեկնածու Էդգար Ղազարյանի արտահայտած մտքերից «մի-երկու լեվել ցածր մակարդակով» արձագանքեց:
Կարդացեք նաև
Հռիփսիմե ՋԵԲԵՋՅԱՆ
