«Դուք լռության երդո՞ւմ եք տվել», «Այս սենյակում ասում էին՝ լեզուներդ կկտրեմ, դուք հանցանք չե՞ք տեսնում», «Սա՞ է լրատվամիջոցների հետ աշխատելու ձեր գործելակերպը», «ԱԺ նախագահն ասում է՝ կթքեմ վրեդ, Աղազարյանը հայհոյում է, հանցանք չե՞ք տեսնում», «Դուք ուզում եք ապացուցել, որ Նիկոլ Փաշինյանը սխա՞լ է, երբ ասում է՝ Հայաստանը ժողովրդավարության բաստիոն է»….Այսօր ԱԺ պետաիրավական հարցերի հանձնաժողովի նիստից առաջ լրագրողների այս եւ այլ հարցերը լսելուց հետո գլխավոր դատախազ Աննա Վարդապետյանը արձագանքեց. «Ես ճեպազրույց չեմ տալիս»: Նրան ուղեկցեցին ներս: Մինչ այդ հանձնաժողովի նախագահ Վլադիմիր Վարդանյանն էր միջնորդում, թե նիստը սկսում է, Վարդապետյանին հարցեր ուղղենք նիստից հետո:
Հետո Վարդանյանը սկսեց գոռգոռալ լրագրողների վրա. «Կներեք, ի՞նչ ա կատարվում, կարա՞մ ես մտնեմ իմ աշխատասենյակ, սա ի՞նչ վերաբերմունք է»: Լրագրողները իրենց մասնագիտական աշխատանքն էին կատարում՝ կանգնելով հանրային միջոցներով պահվող Վարդանյանին հատկացված աշխատասենյակի մուտքի մոտ՝ միջանցքում:
Կարդացեք նաև
Հռիփսիմե ՋԵԲԵՋՅԱՆ
