Ապրիլի 13-ին Կառավարության նիստում որոշում կայացվեց պետբյուջեից Երեւան քաղաքին հատկացնել 10 միլիարդ դրամ:
Այդ գումարով այս տարի, Երեւանում կապիտալ ծախսեր են իրականացվելու:
Ինչո՞ւ Կառավարությունն այդ ծրագրերի համար Երեւանին 10 միլիարդ դրամ չի տրամադրել, օրինակ, անցյալ կամ նախորդ տարի՝ Հայկ Մարությանի պաշտոնավարման ընթացքում, կամ՝ 4 ամիս առաջ, երբ Հրաչյա Սարգսյանն էր քաղաքապետը:
Որովհետեւ առջեւում Երեւանի ավագանու, ավելի հասկանալի լեզվով ասած՝ քաղաքապետի թեկնածու Տիգրան Ավինյանի ընտրություններն են:
Կարդացեք նաև
Սրա անունը կոռուպցիա կարելի՞ է դնել, թե՞ ասենք՝ պետական խոշոր գումարի ուղղում՝ հանուն մեկ անձի «փիարի»: Թե՞ երկուսը միասին:
Փաստորեն, ՀՀ քաղաքացիների հարկերից 10 միլիարդ դրամ հատկացվում է Երեւանի բյուջեին, որպեսզի ընտրություններից 4-5 ամիս առաջ նախ թմբկահարվի, թե ո՞ր վարչական շրջանում ի՞նչ աշխատանքներ են նախատեսվում, հետո այդ աշխատանքներն իրականացվեն՝ որպես Ավինյանի նախընտրական քարոզարշավին խիստ նպաստող բաղադրիչ:
99 տոկոսին չի էլ հուզում, որ պետական գումարներ են ծախսվում քաղաքական քարոզչության, մեկ անձի վարկանիշը բարձրացնելու, երեւանցիների աչքը մտնելու համար, որ դա հետո վերածվի քվեի:
Զարմանալու ոչինչ չկա, չէ՞ որ Փաշինյանն ինքն է ասուլիսի ժամանակ հայտարարել. «Երեւանի ավագանու ընտրությունները քաղաքական ընտրություններ են. իմ քաղաքական թիմն է այդ պարտականությունը ստանձնել»:
Նաիր ՅԱՆ
Հոդվածն ամբողջությամբ՝ «Ազգ» թերթի այսօրվա համարում:
