«Մենք գործ ունենք ստի հետ, ապրում ենք ստի կայսրության մեջ, եկել են սուտ մարդիկ, տեխնոլոգներ, գյուղատնտեսներ, սուտ գիտնականներ, ամբողջ ՔՊ-ական խումբը ստի կայսրության ձևավորման խումբն է»,- «Անվտանգություն եւ ժողովրդավարություն» ՀԿ-ի կազմակերպած «Նիկոլ Փաշինյան. մահաբեր հնգամյակ» թեմայով քննարկման ժամանակ հայտարարեց բանաստեղծ Խաչիկ Մանուկյանը։
Ըստ նրա՝ ՀՀ վարչապետ Նիկոլ Փաշինյանը պետք է դատվի՝ որպես պետական դավաճան, որով հանձնառություն է ունեցել երկիր, ազգ կործանելու․ «Նա դավաճան էր, որը հաղթության միտված չէր, նրա ամբողջ գործունեությունը դեպի պարտություն էր տանում։ Էդ մարդը հաղթանակի կրող չէ, նրա բոլոր բջիջները պարտությամբ են լցված»։
Խաչիկ Մանուկյանին վրդովեցնում է այն, որ ՀՀ ԱԺ խոսնակը թքում է քաղաքացու վրա և ազատ պտտվում է։ Նա վրդովվեց․ «Խոսնակը թքեց ամբողջ ՔՊ-ի վրա, իրավական համակարգի վրա, նա ազատ ֆռֆռում է, որովհետև նրանք գիտեն, որ արժեքային համակարգ են փշրել։ Մահաբերի շունչը այնքան տիրական ու տեսանելի է դարձել, որ իրենց հեքիաթ բարբաջանքներն այլևս լսելի չեն»։
Անդրադառնալով հերոսածին մայրերի հանդեպ հնչող քննդատություններին՝ Խաչիկ Մանուկյանը, որի որդին՝ Վաչագան Մանուկյանը, ևս զոհվել է 44-օրյա պատերազմում, ասաց․ «Աշխարհում այնքան փող չկա, որ տան, ու մենք դավաճանենք մեր զավակներին։ Ձեր նման տրանսգենդերի հովանավորները կարող են փողով ինչ-որ բան ծախել, դուք Աստծուն էլ եք ուրացել։ Հիմա ուզում եմ հերոսածին ծնողներին ասել՝ երբեք հետ չկանգնեք այն պայքարից, որ ձեր զավակներն են սկսել»։
Կարդացեք նաև
Տաթև ՀԱՐՈՒԹՅՈՒՆՅԱՆ
