Ինչպես հայտնի է, այսօր ԱԺ նիստերի դահլիճից ընդդիմադիր պատգամավորներին բռնի ուժով դուրս հանեցին, երբ ԱԺ մարդու իրավունքների պաշտպանության եւ հանրային հարցերի հանձնաժողովի նախագահ Թագուհի Թովմասյանը հայտարարեց, որ քաղաքական ակցիա է անում եւ ԱԺ ամբիոնը չի լքելու, թույլ չի տալու, որ այդ ամբիոնից ստեր հնչեն:
ԱԺ միջանցքում նույնպես լարված իրավիճակ էր: Ընդդիմադիրները փորձում էին ներս մտնել ու կատարել իրենց աշխատանքը, անվտանգությանն աշխատողները խոչընդոտում էին՝ ասելով, որ մինչեւ օրվա ավարտը զրկված են այդ հնարավորությունից՝ ԱԺ նախագահի որոշմամբ:
«Մի հատ չմո երկիրն է վարի տալիս, դուք ստեղ ինչ եք որոշում»,- արձագանքեց «Պատիվ ունեմ» խմբակցության քարտուղար Տիգրան Աբրահամյանը:
Կարդացեք նաև
«Հայաստան խմբակցությունից Արեգնազ Մանուկյանը փորձում էր դռան մոտից հեռախոսով նկարել այսպես ասած «պատժված» պատգամավորների ցանկը, տեսադաշտը փակում էին: «Էդ Նիկոլի կոնյակի ցանկը չի, կարաք թողեք նկարենք, գաղտնիք չի»,- արձագանքեց «Պատիվ ունեմ» խմբակցությունից Աննա Մկրտչյանը:
Ներսից դուրս եկան նաեւ մյուս ընդդիմադիրները՝ ասելով, որ եթե իրենց գործընկերներին թույլ չեն տալիս մտնել, իրենք էլ չեն մնա:
«Պատգամավորներին թույլ չեն տալիս գնալ դահլիճ՝ աշխատանքի՝ ժողովրդավարական երկրում: Ամեն օր եվրոպացիներին խաբում են, թե Հայաստանը ժողովրդավարական երկիր է»:
Հռիփսիմե ՋԵԲԵՋՅԱՆ
