Հիշեցնենք, որ ԱԺ նիստերի դահիճում այսօր քաշքշուկ տեղի ունեցավ այն բանից հետո, երբ պատգամավոր Թագուհի Թովմասյանը հայտարարեց, որ քաղաքական ակցիա է իրականացնում եւ չի իջնելու ամբիոնից ու այլեւս չի հանդուրժելու իշխանության ստերը։ ԱԺ նախագահ Ալեն Սիմոնյանը, որը լեզվակռվի մի դրվագում բղավում էր՝ «պետք լինի՝ կթքեմ», ներս էր հրավիրել ՊՊԾ աշխատակիցներին, որոնք ընդդիմադիր պատգամավորներին քաշքշելով՝ ազատել էին ԱԺ ամբիոնը։
«Հայաստան» խմբակցության պատգամավոր Ասպրամ Կրպեյանի՝ դահլիճից հրապարակած տեսանյութից երեւում է, թե ինչ է տեղի ունեցել այն բանից հետո, երբ Ալեն Սիմոնյանը հրահանգել է անջատել նիստի ուղիղ հեռարձակումը։ Ամբիոնին են մոտենում մյուս ընդդիմադիր պատգամավորները, շրջապատում Թագուհի Թովմասյանին։ «Ազատի ամբիոնը», – Թագուհի Թովմասյանին հրահանգում է Ալեն Սիմոնյանը ու նորից հրավիրում անվտանգության աշխատողներին։ Ընդդիմադիր պատգամավորները ՊՊԾ աշխատակիցներին ասում էին, որ Ալեն Սիմոնյանն իրավունք չունի իրենց հրամաններ տալու։
Ալեն Սիմոնյանն այդ ընթացքում ՊՊԾ-ին նորից հրահանգում էր դուրս հանել ամբիոնին մոտեցած բոլոր պատգամավորներին։ «Ես եմ ստեղ որոշում, տարեք», – ասում էր Ալեն Սիմոնյանը։ «Դու թքագեղձերդ կառավարի», – արձագանքում էր Ասպրամ Կրպեյանը։
Այնուհետեւ ՊՊԾ աշխատակիցները ուժով, քաշքշելով դուրս հանեցին ամբիոնին մոտեցած ընդդիմադիր պատգամավորների մի մասին։
Կարդացեք նաև
Լուիզա ՍՈՒՔԻԱՍՅԱՆ
