Ադրբեջանագետ Տաթեւիկ Հայրապետյանը Տելեգրամի իր ալիքում գրում է.
«Ադրբեջանի քաղաքական ղեկավարության հայտարարություններից ոգեշնչված է նաև այն, որ օրեր առաջ ադրբեջանցի զինծառայողն ապօրինաբար ներխուժել է ՀՀ տարածք և կանխամտածված կերպով դաժան սպանության ենթարկել ՀՀ քաղաքացուն և փորձել այդ մասին, ինչպես նաև բազմաթիվ այլ հայերի՝ քաղաքացիական անձանց, սպանելու իր մտադրության մասին տեղեկացնել ադրբեջանական կողմին։ Համոզված ենք, որ Ադրբեջանի նախագահի նշյալ հայտարարությունից հետո միջազգային հանրության շրջանում կասկած անգամ չի կարող հարուցել այս և վերոնշյալ հանցագործությունների՝ պետական մակարդակով կազմակերպված լինելու հանգամանքը»,– սա հատված է ՀՀ ԱԳՆ այսօրվա հայտարարությունից:
«Որքան հասկանում եմ՝ ինքը դասալիք է, փախել է, եկել է, ուզեցել է անցնել Նախիջևանի կողմից դեպի Ադրբեջան, վստահ չեմ… Նման դեպք կարող է էլի լինել թե մեր, թե հակառակորդի կողմից Լրացուցիչ տեղեկությունների համար այցելեք կայք»,–սա էլ ՀՀ ԱԺ նախագահի այսօրվա ճեպազրույցի ժամանակ:
Նման մի բան էլ Փաշինյանն էր օրեր առաջ ասել:
Կարդացեք նաև
Գոնե ԱԳՆ տեքստերը աչքի անցկացրեք, այդ կառույցն էլ քաղաքական նշանակմամբ նախարարն է ղեկավարում, ձեր թիմակիցն է:
Իրականում այս երկու դիվերսանտները ՀՀ են եկել սպանություն իրագործելու նպատակով, դիվերսանտներից մեկը իր ձայնագրած նյութում դա ասում է: Արդեն կա մեղադրանք, որ նա մարդ է սպանել:
Դիվերսանտը դա մոլորյալ չի, հովիվ չի, կորած զինվոր չի, դա հստակ առաջադրանք ստացած անձ է, որը ներթափանցում է պետության տարածք՝ թիկունքում գործողություններ անելու նպատակով: Իսկ ՀՀ իշխանությունները՝ նույն վարչապետն ու ԱԺ նախագահը կարծես թե փորձում են ծածկադմբոց անել, ինչու՞, անհասկանալի է՝ կամ հերթական անգամ սեփական բացթողումներն են փորձում կոծկել կամ էլ չեն ուզում ասել, որ Ադրբեջանը դիվերսանտներ է ուղարկել մեր երկիր»:
