Աճանան բնակավայրում ադրբեջանցի զինծառայողին տեսնելիս բնակավայրի երիտասարդները նրա գրպաններն են առաջինը ստուգել: Ադրբեջանցու գրպանում եղել է հեռախոս, պտուտակահան, պարկուճներ եւ նոթատետր, որտեղ թվեր են գրված եղել: Aravot.am-ին պատմեց ադրբեջանցուն հայտնաբերած երիտասարդներից Գոռ Օհանջանյանը:
«Գրպանում նաեւ հեռախոս կար, մեր ընկերներից Աշոտը, որ եկավ, նա սպանվածի հետ աշխատելիս է եղել, հենց դրա ձեռքին հեռախոսը տեսավ, ճանաչեց, միանգամից ասաց՝ Հայրապետինն է (խմբ. Զանգեզուրի պղնձամոլիբդենային կոմբինատի սպանված պահնորդը)»,- պատմեց Օհանջանյանը:
Նրա խոսքով՝ ադրբեջանցի զինծառայողին բռնել են Երեւան-Կապան միջպետական ճանապարհի մոտակայքում՝ դեպի Բիո թռչնաֆաբրիկա տանող հատվածում. «Թռչնաֆաբրիկայի պահակակետից 100 մետր այն կողմում էր, ճանապարհով գնում էր, բատինկեքը ջրոտ, ինքը կեղտոտ»:
Հիշեցնենք, որ երեք օր առաջ Սիսիանի բնակավայրերից մեկում բնակիչները ադրբեջանցի էին հայտնաբերել, հանձնել իրավապահներին: Այսօր իրավապահներին հանձնված ադրբեջանցուն երեք օր է՝ ինչ որոնում էին, վերջինս անարգել հասել էր Երեւան-Կապան միջպետական ճանապարհ:
Կարդացեք նաև
Արփինե ՍԻՄՈՆՅԱՆ
