Հայաստանի հատուկ հանձնարարություններով դեսպան Էդմոն Մարուքյանը միջազգային հանրությանը կոչ է արել Ադրբեջանի հարձակման մասին հայտարարություններ անելիս հաշվի առնել, որ դա տեղի է ունեցել Հայաստանի ինքնիշխան տարածքում։ Նա այդ մասին գրառում է արել Թվիթերի իր էջում։
«Հայաստանի և Ադրբեջանի սահմանին տեղի ունեցած միջադեպի վերաբերյալ հայտարարություններ անելիս՝ մեր միջազգային գործընկերները պետք է հստակ գիտակցեն, որ միջադեպը տեղի է ունեցել Հայաստանի սուվերեն տարածքում։ Այսինքն, Ադրբեջանի զինված ուժերը ներխուժել են Հայաստանի տարածք և միջադեպ հրահրել։ Ադրբեջանն ագրեսոր պետություն է և 2021 թվականից մինչ այժմ բազմաթիվ ագրեսիվ գործողություններ է իրականացրել Հայաստանի ինքնիշխան տարածքների դեմ։ Մեր պահանջը չի փոխվել՝ Ադրբեջանը պետք է լքի Հայաստանի տարածքները, այլապես նման սադրանքները կշարունակվեն։ Հայաստանի տարածքային ամբողջականությունն ու սուվերենությունները քննարկելու թեմա չեն»,- գրել է Մարուքյանը։
Կարդացեք նաև
While making statements re yesterday's incident on the AM-AZ border, our international partners should clearly realize that the incident took place on the sovereign territory of Armenia. I.e., the AZ armed forces invaded the territory of Armenia and provoked an incident.… pic.twitter.com/U8bS8DmFNx
— Edmon Marukyan (@edmarukyan) April 12, 2023
