«Մի ոլորտի մասին խոսեմ։ Ավիացիայի ոլորտը չի զարգանում կոռուպցիայի պատճառով, որովհետեւ կոռուպցիոն հայտնի շրջանակները, շրջանառվող լուրերի համաձայն, ամեն ռեյսերում ունեն փայեր։ 2022-ի ընթացքում ՀՀ-ում ավելի քան 500 աշխատատեղ է բացվել ավիացիայի ոլորտում: 2022-ին հայկական ընկերությունները 900 հազար ուղեւոր են փոխադրել: Այսօր «Զվարթնոց» օդանավակայանն աշխատում է իր հնարավորությունների եզրին, որովհետեւ այնքան ինքնաթիռներ են վայրեջք կատարում, որ արդեն խնդիր է դառնում այդքան ուղեւորներին սպասարկելը: Բա եթե համակարգային կոռուպցիա կա, այդ ո՞ւմ դեմ էինք մենք պայքարում, չէինք պայքարի»,-ԱԺ-կառավարություն հարցուպատասխանի ժամանակ այսօր անդրադառնալով խորհրդարանական ընդդիմության քննադատությանը, որ ՀՀ-ում համակարգային կոռուպցիան իրականում արմատախիլ չի արվել՝ ասաց վարչապետ Նիկոլ Փաշինյանը։
Նա մեկ այլ օրինակ բերեց․ «Կոռումպացված երկրի զինվորը բա պետք է 150 հազար դրամ աշխատավարձ ստանար: Չկոռումպացված երկրի զինվորը պետք է 400 հազար դրամ ստանա, այսինքն՝ իր նախորդ աշխատավարձից կրկնապատիկ: Բա ինչի՞ հաշվին ենք ավելացնում այդ ծախսերը, որովհետեւ եթե կոռուպցիա լիներ, չէինք կարողանա ավելացնել: Թոշակներն ավելացնում ենք, աշխատավարձն ավելացնում ենք, կապիտալ բյուջեն ավելացնում ենք, ամեն ինչն ավելացնում ենք, բա ինչի՞ հաշվին»։
Ըստ Փաշինյանի՝ Հայաստանում համակարգային կոռուպցիա չկա, ինչը սակայն չի նշանակում, որ կոռուպցիոն երեւույթներ, օրինակ՝ կաշառակերություն, չկա:
Լուիզա ՍՈՒՔԻԱՍՅԱՆ
Նիկոլի պես սուտասան իշխանություն չի եղել։ Ավիացիայի ոլորտը լավ էլ զարգացելա։ Զվարթնոց օդանավակայանը ում օրոքա կառուցվել, մի քանի անգամ ընդլայնվել՞
Զվարթնոցի ուղևորհոսքը տարեցտարի շատացելա։
Հիմա ռուս, ուկրաինացի դասալիքների ու սանկցիաներից խուսափողների շնորհիվ էտ հոսքը ավելի մեծա։
Ինչպես միշտ Նիկոլենք նախկինների արածը վերագրում են իրանց ու նածկիններին փնովում։
Թե բա Զվարթնոցը չի հասցնում։ Նախկինները նման դեպքում Զվարթնոցը ընդլայնում էին։
Նիկոլենք 5տարիա իշխանության են մենակ դատարկախոսում են։
Իրենց համար ավիացիայի զարգացումը էնա, որ իրենց թիմի օլիգարխ գռզոն սեփական ավիաընկերությունա բացել։