«Իրավիճակային դեպքերից է, որ կանխատեսվել է, եւ ես այդ թեմայով խորհրդակցություններ եմ հրավիրել, կոնկրետ հանձնարարականներ տվել, խնդիրներ եմ առաջադրել եւ այլն։ Եվ իմ գնահատմամբ` այն, ինչ երեկ տեղի ունեցավ, պետք է տեղի չունենար։ Պետք է հետաքննենք, թե ինչ է տեղի ունեցել եւ ինչու»,- կառավարություն-ԱԺ հարցուպատասխանի ժամանակ այսօր անդրադառնալով Տեղ համայնքի տարածքում երեկ կատարվածին՝ հայտարարեց վարչապետ Նիկոլ Փաշինյանը։
Հիշեցնենք, որ դեռեւս մարտի 30-ին ԱԱԾ-ն հայտարարեց, որ Ադրբեջանը խախտել է պայմանավորվածությունները եւ մի քանի կետում տեղակայվել սահմանից 100-300 մետր առաջ, իսկ ապրիլի 1-ին Տեղ-Կոռնիձոր հատվածում ՀՀ եւ Ադրբեջանի ներկայացուցիչների մասնակցությամբ կայացած հանդիպման արդյունքում արվել են սահմանի ճշգրտման աշխատանքներ, եւ տվյալ հատվածում իրավիճակը բարելավվել է։ Սակայն երեկ ադրբեջանական սադրանքի հետեւանքով հայկական կողմն ունի 4 զոհ, 6 վիրավոր։
Նիկոլ Փաշինյանն ասաց․ «Ադրբեջանի պահվածքը եղել է ուխտադրուժ։ Մենք չէինք էլ կարող հակառակի հույս ունենալ, եւ այդ սցենարը նույնպես կանխատեսվել էր, դրա շուրջ կոնկրետ անձանց տրվել էին կոնկրետ հանձնարարականներ, որոնց կատարումը ձախողվել է։ Դրան պետք է հետեւեն վարչական հետեւանքներ, բայց եւ ավելի խորը պետք է քննենք»։
Կարդացեք նաև
Լուիզա ՍՈՒՔԻԱՍՅԱՆ
