Ինչպես հայտնել էինք, ԱԺ 8-րդ գումարման 5-րդ նստաշրջանի հերթական նիստում այսօր գլխավոր դատախազ Աննա Վարդապետյանը ներկայացրեց ԱԺ «Հայաստան» խմբակցության պատգամավոր Մհեր Սահակյանի հանդեպ հանրային քրեական հետապնդում հարուցելուն համաձայնություն տալու մասին միջնորդությունը։
Աննա Վարդապետյանի եւ «Պատիվ ունեմ» խմբակցության պատգամավոր Հայկ Մամիջանյանի միջեւ հետեւյալ հարցուպատասխանը տեղի ունեցավ․
Հայկ Մամիջանյան-եթե ես հիմա ՀՀ քաղաքացիներին կոչ անեմ ինքնապաշտպանվել՝ վտանգի պարագայում ինքնապաշտպանվել, արդյոք դուք հաջորդ նիստի կգա՞ք իմ անձեռնմխելիության հետեւից։
Աննա Վարդապետյան-կարո՞ղ եք ենթադրաբար ասել, թե դուք ձեր արարքն ինչ հանցակազմի շրջանակում եք դիտարկում։ Եթե կմանրամասնեք, փորձեմ պատասխանել։ Այն, ինչ դուք եք նկարագրում, հանցակազմ չունի։ Դա ինքնապաշտպանության կոչ է։
Կարդացեք նաև
Մամիջանյան-Տեսեք։ Երեկ քննչական է կանչվել Նարեկ Սամսոնյանը, որը քաղաքացիներին կոչ է արել ինքնապաշտպանվել։ Հարցը տվեցի, որովհետեւ ես տեսել եմ հազարավոր նման կոչեր դեպքից հետո, ինչն իհարկե պատիվ չի բերում որեւէ խորհրդարանի, եւ ենթադրում եմ, որ քննչականը նման մահակով սկսելու է հետապնդել ընդդիմադիր հայացքներով քաղաքացիներին։ Մհեր Սահակյանի խոսքով՝ ինքն ինքնապաշտպանվել է վերահաս վտանգից։ Երբ սա հասնի ձեր լիազորությունների տիրույթ, դրանք «կարվելու» են մի քանի հազար քաղաքացիների վրա, եւ խորհուրդ կտամ տեղի չտալ։ Դա պատիվ չի բերի դատախազությանը։
Լուիզա ՍՈՒՔԻԱՍՅԱՆ
