Երևանի ավագանու «Իմ քայլը» խմբակցության նախկին անդամ Իզաբելլա Աբգարյանի ֆեյսբուքյան գրառումը
Երևանի ավագանին այսօր, ըստ օրենքի պահանջի, պետք է արտահերթ նիստ գումարեր, որ քաղաքապետ ընտրեր:
Քանի որ «Իմ քայլն» ավելի վաղ հայտարարել էր, որ չի առաջադրի թեկնածու և չի ներկայանա նիստին, արտահերթ նիստն անցնում է դատարկ դահլիճում:
Ինչեր ասես, որ չտեսավ, այս դահլիճը վերջին տարիներին …
Կարդացեք նաև
Երևանում տեղական ինքնակառավարումն իրականացնող մարմիններն երկուսն են՝ ավագանին և քաղաքապետը (ուշադրություն. ոչ թե քաղաքապետարանը, տեղակալները, այլ՝ քաղաքապետը):
Այսպիսով` ներկա դրությամբ Երևանի կառավարումը մի ոտքից կաղ է՝ չունենալով քաղաքապետ:
Դե, իսկ քաղաքապետի աթոռը, որը խորհրդանշում է երևանցիների ՔՎԵՈՎ վստահվված իշխանությունը դարձել է «проходной двор». ընտրություններին չմասնակցած, երևանցիների քվեն չստացած մեկն իրեն իրավունք է վերապահում նստել այդ աթոռին և քաղաքապետի դեր խաղալ:
Բայց դա, կարծես, բացարձակ չի հուզում ոչ ոքի:
