«Ինչպե՞ս եք գնահատում Ալեն Սիմոնյանի այն վարքագիծը, որը նա դրսեւորեց, երբ քաղաքացին իր կարծիքի ազատ արտահայտման իրավունքից օգտվելով՝ ներկայացրեց քաղաքական գնահատական՝ «դավաճան», իսկ ԱԺ նախագահը հրահանգեց բռնել նրա ձեռքերը, թքեց նրա վրա եւ ասաց՝ դավաճանը մայրիկդ է»,- ԱԺ 8-րդ գումարման 5-րդ նստաշրջանի հերթական նիստում այսօր ՔՊ-ի կողմից Անահիտ Մանասյանի՝ ՄԻՊ պաշտոնում առաջադրման հարցի քննարկման ժամանակ Անահիտ Մանասյանին հարցրեց «Հայաստան» խմբակցության պատգամավոր Արմենուհի Կյուրեղյանը։
Անահիտ Մանասյանը նշեց, որ խոսքի ազատության իրավունքը հիմնարար է, բայց այն չի կարող լինել առանց սահմանների․ «Համերաշխության կողմնակից եմ, դեմ եմ ատելության խոսքին եւ բռնության քարոզին։ Իմ խոսքին շատ պատասխանատու եմ վերաբերվում։ Որեւէ գործի մասին չեմ խոսի, եթե ծանոթ չեմ բոլոր հանգամանքներին։ Խոսքը միայն ձեր նշածի մասին չէ, այլ բոլոր գործերի։ Կարող եմ մանրամասնել այն ժամանակ, երբ կունենամ ՄԻՊ գործիքակազմը։ ՀՀ-ում պետք է բացառված լինեն ատելության խոսքը, բռնության քարոզը»։
Արմենուհի Կյուրեղյանին պատասխանը չբավարարեց․ «Այդ վարքագիծը դրսեւորողն ընդունել է իր արարքը, ներողություն խնդրել, բայց ներողություն չի խնդրել այն քաղաքացուց, որի հանդեպ դա արել է»։
Կարդացեք նաև
Լուիզա ՍՈՒՔԻԱՍՅԱՆ
