«Ալեն Սիմոնյանի՝ հանրային զայրույթ առաջացրած խայտառակ պահվածքի մասին ՄԻՊ թեկնածուն խոսափել է դիրքորոշում հայտնել, մինչդեռ փաստեր կային։ Ալեն Սիմոնյանը չարաշահել է իր կարգավիճակը, անհարգալից վերաբերմունք դրսեւորել»,-ԱԺ 8-րդ գումարման 5-րդ նստաշրջանի հերթական նիստում այսօր անդրադառնալով ԱԺ նախագահ Ալեն Սիմոնյանի՝ իրեն «դավաճան» անվանած քաղաքացու վրա թքելու դեպքին՝ ասաց «Հայաստան» խմբակցության պատգամավոր Գեղամ Մանուկյանը։
Նա շարունակեց․ «Իսկ նրա թիկնազորի անդամները կարծել են, որ ոչ թե ՊՊԾ ծառայողներ են, այլ «ախռաննիկներ»։ Հիմա իշխանության մանիպուլյացիաներից հետո Ալեն Սիմոնյանը ներողություն խնդրեց ոչ թե Կարեն Մկրտչյանից, այլ ՀՀ քաղաքացիներից։ Հիշեք, որ ամեն քաղաքացու իրավունքն է քաղաքական գնահատական տալ ամեն դավաճանության, հողազրկման, հայրենազրկման համար։ Թիկնազորով, բանտարկելով եւ թքելով՝ անհնար է քաղաքացիներին զրկել այդ իրավունքից»։
Լուիզա ՍՈՒՔԻԱՍՅԱՆ
