Eurogeographics կազմակերպության Գլխավոր համաժողովում կազմակերպության կառավարման խորհրդի նոր անդամների ընտրության ժամանակ իրենց թեկնածությունը ներկայացրած առաջատար երկրների՝ Նիդերլանդների, Կիպրոսի և Սլովենիայի լիազոր մարմինների ներկայացուցիչների շարքում Հայաստանի Հանրապետության Կադաստրի կոմիտեի ղեկավար Սուրեն Թովմասյանն ընտրվել է կառավարման խորհրդի անդամ:
Կադաստրի կոմիտեի ղեկավար Սուրեն Թովմասյանի՝ Eurogeographics կազմակերպության կառավարման խորհրդի անդամ ընտրվելը նշանակալի իրադարձություն է՝ հաշվի առնելով այն հանգամանքը, որ 2007 թվականից Հայաստանը անդամակցում է Eurogeographics-ին, և սա առաջին դեպքն է, երբ ի թիվս կազմակերպությանն անդամակցող բազմաթիվ երկրների, Կադաստրի կոմիտեի ղեկավարը Հայաստանի Հանրապետությունը ներկայացնում է նման հեղինակավոր կազմակերպության խորհրդի կազմում:
Կառավարման խորհրդի անդամներն ընտրվում են յուրաքանչյուր Գլխավոր համաժողովին` երկու տարի ժամկետով, որը կարող է երկարաձգվել:
Կառավարման խորհուրդը պատասխանատու է կազմակերպության ընդհանուր կառավարման համար, այն կազմված է նախագահից, ով նախագահում է կազմակերպությունը և առնվազն վեց անդամից, ովքեր լիիրավ անդամների ներկայացուցիչներ են:
Կարդացեք նաև
Կառավարման խորհուրդն առաջարկում է կազմակերպության տարեկան բյուջեն, որը ներկայացնում է ընդհանուր ժողովի հաստատմանը գանձապետի միջոցով՝ կազմակերպության կանոնադրության համապատասխան հոդվածի համաձայն: Կառավարման խորհրդի անդամը մասնակցում է կազմակերպության կողմից հրավիրված հանդիպումներին, օժտված է որոշումների կայացման իրավունքով:
Կադաստրի կոմիտե
