Երեքշաբթի, 4 Ապրիլ 2023-ին, Ն.Ս.Օ.Տ.Տ. Արամ Ա. Կաթողիկոսին այցելեցին Սոցիալ Դեմոկրատ Հնչակեան Կուսակցութեան (Ս.Դ.Հ.Կ.), Հայ Յեղափոխական Դաշնակցութեան (Հ.Յ.Դ.) եւ Ռամկավար Ազատական Կուսակցութեան (Ռ.Ա.Կ.) ներկայացուցիչները։ Հանդիպման գլխաւոր նիւթը 24 Ապրիլին Հայոց Ցեղասպանութեան ոգեկոչումն էր։
Յայտնենք, որ այս տարի երկու հիմնական նախաձեռնութիւններ պիտի ներառէ Ապրիլեան ոգեկոչումը.-
ա) 23 Ապրիլի երեկոյեան, Անթիլիասի Մայրավանքին մէջ ժողովրդային հաւաք։
բ) 24 Ապրիլի առաւօտեան, Ս. Գրիգոր Լուսաւորիչ Մայր Տաճարին մէջ Ս. եւ Անմահ Պատարագ եւ Սրբոց Նահատակաց յուշարձան-մատրան առջեւ Բարեխօսական կարգ։
Կարդացեք նաև
Մանրամասնութիւնները պիտի փոխանցուին յառաջիկային։
ՀԱՅ ԵԿԵՂԵՑԻ
ՄԵԾԻ ՏԱՆՆ ԿԻԼԻԿԻՈՅ ԿԱԹՈՂԻԿՈՍՈՒԹԻՒՆ
ԱՆԹԻԼԻԱՍ – ԼԻԲԱՆԱՆ
