Aravot.am-ը ՀՀ էկոնոմիկայի նախարարությունից հետաքրքրվեց՝ գերատեսչությունն ունի՞ տվյալներ, տեղեկատվություն, թե օրինակ տնտեսության որ ճյուղերում է օգտագործվել 2022թ. Հայաստան ներմուծված ավելի քան 6000 տոննա արդյունաբերական աղը, քանի որ ահազանգեր կան, որ այն իրացվում է որպես կերակրի աղ եւ օգտագործվում սննդի մեջ:
ՀՀ էկոնոմիկայի նախարարի մամուլի խոսնակ Լիլիթ Հակոբյանը` ի պատասխան մեր հարցման հետեւյալը փոխանցեց. «ՀՀ Էկոնոմիկայի նախարարությունը չունի տեղեկատվություն Հայաստան ներկրված տեխնիկական աղի օգտագործման վերաբերյալ։ Միաժամանակ տեղեկացնում ենք, որ Հայաստանում և ընդհանրապես աշխարհում տեխնիկական աղը հիմնականում օգտագործվում է ճանապարհների և մայթերի մերկասառույցի դեմ, սեւ եւ գունավոր մետալուրգիայում, մեքենաշինություն եւ մետաղագործությունում, հովացման լուծույթներ պատրաստելու համար, բժշկության, կոսմետոլոգիայի, օճառի պատրաստման, մորթի եւ հումքի մշակման, անասնաբուծության մեջ»:
Թեմայի վերաբերյալ այլ մանրամասներ՝ հաջորդիվ:
Գոհար ՀԱԿՈԲՅԱՆ
