ՔՊ նախկին պատգամավոր, ԵԽԽՎ–ում Հայաստանի պատվիրակության նախկին անդամ, ադրբեջանագետ Տաթևիկ Հայրապետյանի տելեգրամյան գրառումը
Երեկ երեկոյան ադրբեջանցիները ոչ միայն ահաբեկում են ռուս խաղաղապահների մեքենայով անցնող հայ կանանց, երեխաներին ու մեծահասակներին, ինչի հետևանքով նրանցից մի քանիսի ինքնազգացողություն վատանում է, այլ հետո էլ՝ ադրբեջանցիները որոշում են շոու կազմակերպել, իբրև ադրբեջանական շտապօգնության մեքենաներով ուշագնացներին տանել Ստեփանակերտ:
Խաղաղապահների մեքենաներում գտնվող Արցախի հայերի մեծ մասին էլ թույլ չեն տալիս մտնել Ստեփանակերտ, հարկադրված հետ են գնում Գորիս:
Այսօր շտապօգնության մեքենան քշած ադրբեջանցի վարորդը ասում է. «Ես հպարտություն է զգում, երբ մոտեցա Խանքենդիին (Ստեփանակերտին)»:
Նա նաև հպարտություն է զգում, որ պետական մակարդակով ահաբեկում են հայերին, որ չեն թողնում իրենց տանը խաղաղ ապրել, որ ճանապարհը փակ են պահում, որ ագրեսիայի են գնում, այնքան բան ունի «հպարտանալու» Ադրբեջանի սույն քաղաքացին:
Կարդացեք նաև
Արցախում հստակ պետք է պահանջեն, որ խաղաղապահները թույլ չտան ստուգել իրենց մեքենաները, առավել ևս՝ ահաբեկել մարդկանց, սա անթույլատրելի է: Սա նաև Ադրբեջանի՝ մեր դեմ հայտարարած հոգեբանական պատերազմի կարևոր բաղադրիչ է:
