ԱՄՆ նախկին նախագահ և 2024 թվականի հանրապետականների հավանական թեկնածու Դոնալդ Թրամփը երեքշաբթի օրը ժամանել է Մանհեթենի դատարան՝ լսելու իր դեմ ներկայացված մեղադրանքները։
Մանհեթենի շրջանային դատախազ Էլվին Բրեգի գրասենյակը երեքշաբթի ապրիլի 4-ին հրապարակել է մեղադրական եզրակացության խմբագրված տարբերակը, որով պաշտոնապես մեղադրանք է առաջադրվել Միացյալ Նահանգների նախկին նախագահին՝ 2016 թվականի ընտրություններից առաջ չափահասների համար ֆիլմերի դերասանուհի Սթորմի Դենիելսին գումար վճարելու գործով:
Թրամփն իրեն մեղավոր չի ճանաչել 34 հանցավոր դրույթներով՝ բիզնես գրառումների կեղծման համար: Թրամփի փաստաբաններն ասել են, որ նա կտրականապես հերքում է այն մեղադրանքները, թե 2016 թվականի նախագահական ընտրություններից առաջ 130 հազար դոլար է վճարել դերասանուհուն:
Ըստ հետաքննության՝ գումարն առաջարկվել է որպես վճարում Թրամփի հետ դերասանուհու մտերիմ հարաբերությունների մասին տեղեկության չհրապարակման համար, որոնք նա իբր ունեցել է տասը տարի առաջ։
Կարդացեք նաև
Այս վճարումն ինքնին անօրինական չէր, սակայն խնդիրը դրա ձևակերպման մեջ է. Թրամփն ու նրա փաստաբանները այն ներկայացրել են որպես իրավաբանական ծառայությունների համար վճարում, որը որակվում է խարդախություն Նյու Յորք նահանգում և նախատեսում է քրեական հետապնդում:
Նյութն ամբողջությամբ՝ սկզբնաղբյուր կայքում
