ՎԱՇԻՆԳՏՈՆ, 3 ապրիլի, 2023 թ. — Անտոնելլա Բասանին Եվրոպայի և Կենտրոնական Ասիայի (ԵԿԱ) տարածաշրջանի նոր փոխնախագահն է. նա այսօրվանից սկսած ղեկավարելու է Համաշխարհային բանկի ռազմավարական, ֆինանսական և գիտելիքային աշխատանքը։
Տկն. Բասանին Իտալիայի քաղաքացի է։ Նա Համաշխարհային բանկում Բյուջեի, կատարողականի գնահատման և ռազմավարական պլանավորման հարցերով փոխնախագահ է աշխատել։ Նախկինում նա Համաշխարհային բանկում որպես Ռազմավարության և գործառնությունների տնօրեն Է աշխատել է երկու տարածաշրջանում (Մերձավոր Արևելքի և Հյուսիսային Աֆրիկայի, Արևելյան Ասիայի և խաղաղօվկիանոսյան տարածաշրջան), որտեղ ռազմավարական առաջնորդություն և աջակցություն է ցուցաբերել տարածաշրջանային թիմերին՝ ռազմավարությունների, գործառնությունների, ճկուն և նորարարական ֆինանսավորման և գիտելիքային ծառայությունների մատուցման հարցում։ Տկն. Բասանին նաև Ռեսուրսների մոբիլիզացման տնօրեն է աշխատել՝ կառավարելով Միջազգային զարգացման ընկերակցության՝ ամենաանապահովների համար Բանկի հիմնադրամի, համալրումները։
«Ուրախ եմ Եվրոպայի և Կենտրոնական Ասիայի տարածաշրջանին միանալու համար»,- ասաց տկն. Բասանին։ «Կանաչ տնտեսության անցումից մինչև էներգետիկա և պարենային ապահովություն տեղյակ եմ մեր պատվիրատու երկրների առջև ծառացած մեծ մարտահրավերներին, հատկապես՝ կորոնավիրուսային հիվանդության համավարակից անմիջապես հետո և Ուկրաինա Ռուսաստանի ներխուժման պայմաններում։ Ակնկալում եմ ձեռք-ձեռքի տված աշխատել կառավարությունների մեր գործընկերների, զարգացման մեր գործընկերների և Համաշխարհային բանկի խմբի աշխատակազմի հետ՝ այս խնդիրներին անդրադառնալու համար»։
Տկն. Բասանին այս պաշտոնը լրացնում է զարգացման 30 տարվա փորձով։ Ի լրումն Արևելյան Ասիայի և խաղաղօվկիանոսյան և Մերձավոր Արևելքի ու Հյուսիսային Աֆրիկայի տարածաշրջանների, նա աշխատել է նաև Ենթասահարյան Աֆրիկայի և Լատինական Ամերիկայի և Կարիբյան տարածաշրջանում՝ համակցելով ողջ կառույցի գործառնական գիտելիքն ու ֆինանսական փորձառությունը։ Նախքան Բանկին միանալը, տկն. Բասանին աշխատել է ՏՀԶԿ-ում՝ Փարիզում։ Նա Ջոնս Հոփկինսի համալսարանից միջազգային տնտեսագիտության դոկտորի գիտական աստիճան ունի։
Կարդացեք նաև
ԵԿԱ-ի մասին
Համաշխարհային բանկը Եվրոպայի և Կենտրոնական Ասիայի երկրների հետ աշխատում է աղքատությունը նվազեցնելու և համընդհանուր բարգավաճումն առաջ մղելու համար՝ մարդկային կապիտալի խթանման, շուկաների համար հնարավորությունների ստեղծման, կանաչ տնտեսությունների անցումը դյուրացնելու և հաստատությունների կառուցման և ամրապնդման միջոցով։ 2022 ֆինանսական տարում Համաշխարհային բանկը տարածաշրջանի 47 գործառնությունների համար 8.5 միլիարդ դոլարի վարկավորում է հաստատել, այդ թվում՝ 6.0 միլիարդ դոլարը ՎԶՄԲ հանձնառություններն են, 2.5 միլիարդ դոլարը՝ ՄԶԸ։
Անտոնելլա Բասանին Համաշխարհային բանկի Եվրոպայի և Կենտրոնական Ասիայի տարածաշրջանի փոխնախագահն է։ Այս պաշտոնում Անտոնելլան ղեկավարում է Համաշխարհային բանկի՝ նշված տարածաշրջանին ուղղված ռազմավարական, ֆինանսնական և գիտելիքային աշխատանքը։
Անտոնելլան Համաշխարհային բանկում մի քանի բարձրագույն պաշտոն է զբաղեցրել, այդ թվում՝ ամենավերջինը՝ Բյուջեի, կատարողականի վերանայման և ռազմավարական պլանավորման մասով փոխնախագահի պաշտոնը։ Մինչ այդ, որպես Ռազմավարության և գործառնությունների տնօրեն (Արևելյան Ասիայի և խաղաղօվկիանոսյան, Մերձավոր Արևելքի և Հյուսիսային Աֆրիկայի տարածաշրջան), նա պատասխանատու էր երկու տարածաշրջաններում գործառնությունների վերահսկման համար՝ ղեկավարելով և աջակցություն ցուցաբերելով տարածաշրջանային թիմերին բարձրորակ ռազմավարությունների և գործառնությունների, ճկուն և նորարարական ֆինանսավորման և գիտելիքային ծառայությունների տրամադրման հարցում։ Նա նաև առաջատար դեր է կատարել Բանկի ռեսուրսների նորարարական և ռազմավարական մոբիլիզացման, այդ թվում՝ Միջազգային զարգացման ընկերակցության համար երկու հաջող համալրումների հարցում։
Անտոնելլան ավելի քան 30 տարվա փորձ ունի՝ գործառնական գիտելիքի և ֆինանսական փորձառության եզակի համակցմամբ, աշխատելով Արևելյան Ասիայի և խաղաղօվկիանոսյան, ենթասահարյան Աֆրիկայի, Լատինական Ամերիկայի և Կարիբյան, Մերձավոր Արևելքի և Հյուսիսային Աֆրիկայի տարածաշրջաններում զարգացման, տնտեսական կառավարման և աղքատության նվազեցման ուղղությամբ, վերահսկելով խոշոր և բարդ ծրագրեր ու միջոլորտային թիմերի։ Անտոնելլան հայտնի է որպես փորձառու և նորարար ղեկավար, ով իր գործառնական և ֆինանսական փորձառությունը համակցում է որակյալ ռազմավարությունների, գործառնություններ և գիտելիք ապահովելու, պորտֆելի կառավարման, ֆինանսավորման լուծումների և երկկողմ ու բազմակողմ գործընկերությունների խթանման համար։
Անտոնելլան Համաշխարհային բանկին է միացել 1993 թվականին՝ Երիտասարդ մասնագետների ծրագրի միջոցով: Նախքան Բանկին միանալն աշխատել է ՏՀԶԿ-ում՝ Փարիզում։ Նա Ջոնս Հոփկինսի համալսարանից միջազգային տնտեսագիտության մագիստրոսի և դոկտորի գիտական աստիճան ունի։
Հայաստանում Համաշխարհային Բանկի գրասենյակ
