Aravot.am-ի տեղեկություններով՝ Ազգային ժողովի նախկին պատգամավոր, գործարար Սամվել Ալեքսանյանին պատկանող «Ալեքս Տեքստիլ» ընկերությունը խոշոր չափի հարկեր է թաքցրել, ինչի առնչությամբ էլ ընկերությունում քննչական գործողություններ են իրականացվում։ Քննչական կոմիտեից մեր տեղեկությունը հրաժարվեցին մեկնաբանել, ասացին՝ կոմիտեն առաջիկայում պաշտոնական հայտարարություն կտարածի եւ մանրամասներ կհայտնի։
Ապրիլի 1-ին հայտնի դարձավ, որ պետական եկամուտների կոմիտեի ու ՀՀ քննչական կոմիտեի քննիչները խուզարկություններ են իրականացնում Սամվել Ալեքսանյանին պատկանող «Ալեքս Տեքստիլ» ընկերությունում։ Քննչական կոմիտեի նախագահի մամուլի քարտուղար Գոռ Աբրահամյանը հայտնել էր, որ խուզարկությունները տեղի են ունենում նախաձեռնված քրեական վարույթի շրջանակներում։
Նելլի ԲԱԲԱՅԱՆ
