Այսօր՝ մարտի 31-ին, ՀՀ Ներքին գործերի նախարարության Ոստիկանության Պարեկային Ծառայության Երևան քաղաքի գնդի 4-րդ գումարտակի 1-ին վաշտի կրտսեր պարեկի կողմից վարչական պատասխանատվության է ենթարկվել ՀՀ Ազգային ժողովի հաշվեկշռում հաշվառված Toyota մակնիշի 008 HH 01 համարանիշի վարորդը՝ Կոտայքի մարզի բնակիչ Նվեր Գ․-ն, ով ընդունել է երեկ SHAMSHYAN.com-ում հրապարակված ֆոտոռեպորտաժի իրականությունը, քանի որ վարորդի կողմից կատարվել է ճանապարհային երթևեկության կանոնների խախտում։
Նա ավտոմեքենան կայանել է ընդհանուր օգտագործման տրանսպորտային միջոցների կանգառի համար նախատեսված կետում։Ինչպես ավելի վաղ գրել էր SHAMSHYAN.com-ը, գաղտնիք չէ, որ Երևանում դեռ կան վարորդներ, ովքեր իրենց վեր են դասում օրենքից, բայց որ ճանապարհային երթևեկության կանոնները կարող է խախտել ՀՀ Ազգային ժողովի ամենաընդդիմադիր խմբակցության պատգամավորին սպասարկող Toyota մակնիշի 008 HH 01 համարանիշի ավտոմեքենայի վարորդը, դա արդեն մտորելու տեղիք է տալիս:
Երեկ՝ մարտի 30-ին, նշված ավտոմեքենան Մոսկովյան փողոցում ՝ Կոմիտասի անվան պետական Կոնսերվատորիայի մոտ, կայանել էր կանգառում, ինչը խոչընդոտ էր ստեղծում քաղաքային տրանսպորտի համար, քանի որ հասարակական տրասնպորտը չէր կարողանում ավտոմեքենան կայանել կանգառում:
Գ. Շամշյանի տեղեկություններով՝ նշված ավտոմեքենան սպասարկում է Ազգային ժողովի «Հայաստան» խմբակցության ղեկավար Սեյրան Օհանյանին, ով, ըստ մեր տեղեկությունների, այդ պահին վարորդի հետ չի եղել:
Կարդացեք նաև
Մանրամասները՝ սկզբնաղբյուր կայքում:
