Եվրամիության Արեւելյան գործընկերության քաղաքացիական հասարակության ֆորումի Հայաստանի ազգային պլատֆորմը իր մտահոգությունն է հայտնում կառավարող «Քաղաքացիական պայմանագիր» կուսակցության կողմից որպես Հայաստանի Հանրապետության մարդու իրավունքների պաշտպանի թեկնածու ՀՀ գլխավոր դատախազի տեղակալի առաջադրման կապակցությամբ: Մենք ցավով արձանագրում ենք, որ իշխանությունները գնալով ավելի անհաղորդ են դառնում քաղաքացիական հասարակության ձայնին եւ իրենց կադրային քաղաքականության մեջ առաջնորդվում են ոչ այնքան հանրակարգերի /ինստիտուտների/ արդյունավետ գործունեության անհրաժեշտությամբ, ոչ այնքան նշանակվող պաշտոնյաների մասնագիտական կարողություններով եւ որակներով, վերջապես՝ ոչ այնքան Սահմանադրության եւ օրենքի տառով եւ ոգով, որքան սեփական իշխանության ամրապնդմամբ:
ԵՄ Արեւելյան գործընկերության քաղաքացիական հասարակության ֆորումի Հայաստանի ազգային պլատֆորմը հիշեցնում է ամիսներ առաջ իշխանությանն ուղղված իր հորդորի մասին՝ Մարդու իրավունքների պաշտպան ընտրել հասարակության շրջանում բարձր հեղինակություն ունեցող անձանց թվից, ինչը նաեւ ՀՀ Սահմանադրության պահանջ է: Նույնը իշխանություններին հորդորել էին անել հասարակական այլ գործիչներ:
Մենք գտնում ենք, որ ո՛չ իշխանության եւ ո՛չ էլ ընդդիմության թեկնածուները չեն համապատասխանում ՀՀ Սահմանադրությամբ ՄԻՊ-ի թեկնածուին առաջադրվող պահանջներին: Ուստի հորդորում ենք ՀՀ Ազգային ժողովին անհապաղ հանրային քննարկումներ կազմակերպել այս հարցով, իսկ ՄԻՊ թեկնածություն առաջադրելիս առաջնորդվել ՀՀ Սահմանադրության պահանջներով:
Կարդացեք նաև
ԵՄ Արեւելյան գործընկերության քաղաքացիական հասարակության ֆորումի Հայաստանի ազգային պլատֆորմ
Այո, շատ ճիշտ նկատառում է։ Երկու դեպքում էլ վարկաբեկվելու ՄԻՊ ի ինստիտուտը։ Այն միջազգային գործընկերների կողմից արդեն անընդունելի է համարվել։