Երկու ժամ առաջ մեկնարկել է Ազատ գյուղի զինվորական կացարանում զոհված զինծառայողների ծնողների ու հարազատների հանդիպումը ՀՀ զինվորական դատախազի հետ։ Ինչպես արդեն տեղեկացրել ենք, զոհվածների ծնողները նաեւ պաշտպանության նախարար Սուրեն Պապիկյանի հետ հանդիպման համար են դիմել, սակայն ՊՆ-ում անտեսել են ծնողների այդ խնդրանքը, ավելին, անգամ նրանց շահերի ներկայացուցչի տարբեր հարցերին հարկ չեն համարել անդրադառնալ:
Մինչ զինդատախազի հետ հանդիպումը, լրագրողների հետ զրույցում, զոհվածների հարազատներն ասել են. «Շատ հարցեր ունենք՝ ո՞նց եղավ, որ երեխեքը մահացան, ո՞նց եղավ, որ շմոլ գազի տակ ընկան, ո՞նց են մնացել էդ անբարենպաստ կացարանում»:
«Պաշտպանության նախարարը չընդունեց մեզ, որովհետեւ պատասխան չուներ: Հենց նա պետք է հրաժարական տա: Երեկ ես պահանջեցի Պապիկյանի հրաժարականը, իր ու Փաշինյանի մաֆիայից գրել էին՝ պապի՛, քո գործը չի, դու ի՞նչ գործ ունես էդ գործերի հետ։ Թող էդ գրողի թոռները սենց վառվեն, մահանան, որ մյուս անգամ ինձ չմեղադրեն»,- իր վրդովմունքը լրագրողներին փոխանցեց զոհված Արամ Մանուկյանի պապը՝ Արտյոմ Գրիգորյանը։
Այլ մանրամասները՝ տեսանյութում
Կարդացեք նաև
Նելլի ԳՐԻԳՈՐՅԱՆ
