Առևտրի շրջանառությունը, ըստ տնտեսական աճի ցուցանիշի, մոտավորապես 18 տոկոս աճ է ունեցել, ինչը ոչ միայն ֆիզիկական ծավալների ավելացման հետ է կապված, այլ նաև թափանցիկ առևտրի ցուցանիշ է: Կառավարության նիստում հայտարարեց Նիկոլ Փաշինյանը:
Նրա արձանագրմամբ, փետրվարին տնտեսական ակտիվության ցուցանիշը կազմել է 11,3 տոկոս, արտաքին առևտրաշրջանառությունն աճել է 79,5 տոկոսով, ընդ որում՝ արտահանումը՝ 2,1 անգամ, իսկ ներմուծումը՝ 163 տոկոսով:
«Շինարարությունը շարունակում է շատ մեծ տեմպերով աճել՝ 13,9 տոկոս, ծառայությունները՝ 21 տոկոս: Արդյունաբերության աճը նախորդ տարվա փետրվարի համեմատ այս փետրվարին աճել է 0,7 տոկոսով, իսկ հունվար-փետրվարի ցուցանիշներով 1 տոկոս: Մենք խնդիր ունենք արդյունաբերության ոլորտում ավելի մեծ և տեսանելի աճ արձանագրել, և խնդիրը միայն հանքարդյունաբերության մեջ չէ, մենք ռազմավարական նպատակ ենք ձևակերպել մեր տնտեսության բարդության աստիճանը մեծացնել»,- ասաց նա:
Փաշինյանի տեղեկացմամբ, հունվար-փետրվար ամիսների տվյալներով` ավելի քան 10 տոկոս տնտեսական ակտիվության ցուցանիշ է արձանագրվել:
Կարդացեք նաև
«Մասնավոր և պետական հատվածի առաջնային խնդիրն է այս տեմպը պահպանել, որպեսզի կարողանանք լուծել մեր խնդիրը, որն արձանագրված է 2021-2026թթ կառավարության գործունեության ծրագրում և տարեկան առնվազն 7 տոկոս տնտեսական աճ ապահովենք»,- ասաց նա:
Մանրամասները՝ տեսանյութում
Լուսինե ՄԱՐԳԱՐՅԱՆ
