Կենսաթոշակառուների կողմից անկանխիկ գործարքների տեմպը տպավորել է Նիկոլ Փաշինյանին, որի մասին այսօր խոստովանեց կառավարության նիստի ժամանակ:
Փաշինյանի խոսքով, 2023թ–ի փետրվարին ՀՀ կենսաթոշակառուներն իրականացրել են 3.4 մլրդ դրամի անկանխիկ առևտուր։ «Ուզում եմ հիշեցնել, որ 2022թ. փետրվարին այս ցուցանիշը ձգտում էր 0-ի, իսկ դեկտեմբերին և հունվարին` 2.7 միլիարդի շրջանակներում էր, ինչը նշանակում է, որ ամսական 20-25 տոկոսով աճի տեմպը մենք շարունակում ենք պահել»,– ասաց նա։
Փաշինյանը նաև հայտնեց, որ փետրվարին անկանխիկ առևտուր կատարած թոշակառուները մարտին 286 մլն 711 հազար դրամի հավելում կստանան իրենց կենսաթոշակներին։
Մեջբերելով ԿԲ-ի տվյալները՝ Փաշինյանը նկատեց, որ եթե 2022 հունիսի վերջի դրությամբ ՀՀ –ում կար շուրջ 22 հազար պոս-տերմինալ, ապա այս տարվա փետրվարին դրանց թիվը եռապատկվել է:
Կարդացեք նաև
Մանրամասները՝ տեսանյութում
Լուսինե ՄԱՐԳԱՐՅԱՆ
