Ալավերդու համայնքապետարանում համայնքի ղեկավար Արկադի Թամազյանն ընդունել է Օլեգ Գորբունովի անվան մարզադպրոցում անցկացված «Սպորտլանդիա 2023» մարզական միջոցառման համայնքային փուլը հաղթահարած Ալավերդու թիվ 2 և թիվ 12 հիմնական դպրոցների աշակերտներին: Հանդիպմանը մասնակցում էին դպրոցի տնօրենները, ֆիզկուլտուրայի ուսուցիչները, մարզադպրոցի ներկայացուցիչը, համայնքապետարանի համապատասխան ոլորտի պատասխանատուները:
Շնորհավորելով աշակերտներին՝ Արկադի Թամազյանը հանձնել է շնորհակալագրեր և խրախուսական նվերներ: Շնորհակալություն հայտնելով ֆիզկուլտուրա առարկայի ուսուցիչներին նվիրված աշխատանքի համար` համայնքի ղեկավարը կարևորել է համայնքում սպորտային կյանքի ակտիվացմանը նպաստող ցանկացած քայլ:
Դպրոցի տնօրեններն իրենց հերթին շնորհակալություն հայտնեցին համայնքի ղեկավարին` նմանօրինակ ուշադրության և վերաբերմունքի համար: Ներկաները կարևորեցին դպրոց-համայնքապետարան կապի ամրապնդմանը նպաստող ցանկացած հանգամանք:
Հանդիպման ավարտին համայնքի ղեկավարը հաջողություններ մաղթեց աշակերտներին մարզական միջոցառման մարզային փուլում։
Կարդացեք նաև
ԱԼԱՎԵՐԴՈՒ ՀԱՄԱՅՆՔԱՊԵՏԱՐԱՆ
