Իրանագետ Ժաննա Վարդանյանի «Իրանն այսօր» տելեգրամյան ալիքից տեղեկանում ենք.
Եվս մեկը և, ամենայն հավանականությամբ, ոչ վերջինը
Իրանի խորհրդարանում Թավրիզից ընտրված պատգամավոր Ալիռեզա Մոնադին, անդրադառնալով Ադրբեջանի հնարավոր հարձակմանը, հայտարարել է. «Ալիևին կոչ ենք անում համաշխարհային տնտեսական ճգնաժամի այս պայմաններում նման գործողություններով չվտանգել իր ժողովրդի կյանքն ու անդորրը:
Հույս ունենք՝ Ալիևը սխալ որոշում չի կայացնի, քանի որ մենք Ադրբեջանի հետ բարեկամական հարաբերություններ ունենք, և այդ գործողությունները բացառապես հարաբերությունների թուլացման պատճառ կդառնան:
Կարդացեք նաև
Գուցե այս խաթարված հարաբերություններն առկա են տարիներ շարունակ, բայց դա միայն երկու երկրներին է վնասելու, բայց ավելի շատ Ադրբեջանին, քան Իրանին:
Իրանը թույլ չի տա, որ Հայաստանի հետ սահմանը վերանա: Հայաստանը ևս ցանկանում է, որ այդ սահմանը գոյություն ունենա, ուստի այս առումով որևէ մեկը չի կարող թյուր կարծիք ունենալ:
Այս խնդիրը մեզ համար ոչ թե երկրի, այլ գումարտակի մասշտաբով լուծելու հարց է»:
