ԱՄՆ պետդեպարտամենտն ու տարբեր միջազգային իրավապաշտպան կառույցներ սկսել են իրականության աչքերով նայել Հայաստանում մարդու իրավունքների պաշտպանության ոլորտում տեղի ունեցող խախտումներին, խոշտանգման դեպքերին։
ԱՄՆ պետքարտուղարությունը մարդու իրավունքների մասին 2022 թվականի զեկույցում առանձնացրել է Հայաստանի՝ այս ոլորտի առավել նշանակալի խնդիրները, որոնք ներառում են ուժային կառույցների կողմից խոշտանգումները, բանտային ծանր պայմանները, կամայական ձերբակալությունները, դատական անկախության հետ կապված լուրջ խնդիրները, անձնական կյանքին անօրինական միջամտությունը, խոսքի ազատության սահմանափակումը, հանցագործությունները, որոնք ներառում են բռնություն կամ սպառնալիքներ:
2018թ.-ից հետո շատերի մոտ կար տեսակետ, թե ՀՀ-ն անշրջելիորեն գնում է ժողովրդավարական ուղիով, և մարդու իրավունքների պաշտպանության առումով որևէ խախտում չի կարող արձանագրվել, բայց իրականում հիմա տեղի են ունենում ավելի մերժելի երևույթներ, որոնք նախկինում, եթե անգամ կային, ապա այդ չափի ու մակարդակի չէին։ Իհարկե լավ է, որ ԱՄՆ պետդեպարտամենտն ահազանգել է մեր երկրում դատական իշխանության անկախության մեծապես վտանգված լինելու մասին, բայց վատ է, որ չեն արձանագրել, թե շատ դեպքերում խախտումներն իրականացվել են քաղաքական իշխանության կողմից։
Ամբողջական հարցազրույցս Sputnik Արմենիա-ի հետ՝ հղմամբ. http://bitly.ws/BZVL
Կարդացեք նաև
Թագուհի ԹՈՎՄԱՍՅԱՆ
ԱԺ մարդու իրավունքների պաշտպանության և հանրային հարցերի մշտական հանձնաժողովի նախագահ, անկուսակցական
