ԵԽԽՎ–ում Հայաստանի պատվիրակության նախկին անդամ, ադրբեջանագետ Տաթևիկ Հայրապետյանի տելեգրամյան գրառումը
Երեկ Նիկոլ Փաշինյանը կառավարության նիստի ժամանակ հայտարարել էր. «…Սա ավելի է հիմնավորվում Ադրբեջանի պետական մակարդակով վարվող, այսպես կոչված, արևմտյան Ադրբեջանի անհեթեթ խոսույթով, որը Հայաստանի Հանրապետության ինքնիշխան տարածքի նկատմամբ ոտնձգության բացահայտ ակտ է…»:
Երեկոյան նրան պատասխանել էր «Արևմտյան ադրբեջանցիների համայնքը» ու այդտեղ ևս մեկ անգամ ապացուցել, որ իրենք հարցականի տակ են փորձում դնել հայոց պետականության գոյությունը: Պատասխանում նշված էր. «Մենք Հայաստան կոչվող տարածքի օրինական բնակիչներն ենք, և մեր տները վերադառնալը մեր բացարձակ և հիմնավոր իրավունքն է…»:
Այսինքն` մեր պետության անունը տալու փոխարեն, ՀՀ-ն կոչում են Հայաստան կոչվող տարածք` դրանով իսկ ևս մեկ անգամ ապացուցելով իրենց ագրեսիվ նպատակները: Պետք է շարունակ միջազգային գործընկերների հետ խոսենք այս վտանգի մասին այնքան, որ Ալիևը վախենա առհասարակ արտաբերել «Արևմտյան Ադրբեջան» անունը:
Կարդացեք նաև
Իսկ «Արևմտյան Ադրբեջանի» թեմայի մասին մանրամասն կարող եք իմանալ այստեղ՝
