«Բնապահպանների» անվան տան գործող այդ շրջանակի սադրանքը բավականին լուրջ նպատակներ է հետապնդում։ Դրանցից մեկը ՌԴ խաղաղապահ զորքերի առաքելությունը հեղինակազրկելն է։ Տեսնելով, որ խաղաղապահների ներկայությունն է հանդիսանում անվտանգության երաշխիք, ադրբեջանական կողմը դիմել է այդ սադրանքին»,- Ադրբեջանի կողմից Արցախի շրջափակման 100 օրվա առիթով հրավիրված առցանց մամուլի ասուլիսի ժամանակ այսօր հայտարարեց Արցախի ԱԳ նախարար Սերգեյ Ղազարյանը՝ անդրադառնալով միջազգային լրատվամիջոցներից մեկի հարցին, թե ինչո՞ւ ՌԴ խաղաղապահները չեն տարհանում Լաչինի ճանապարհն արգելափակած անձանց։
Սերգեյ Ղազարյանը շեշտեց, որ նման իրավիճակում խաղաղապահները պետք է բոլոր ջանքերը գործադրեն, որպեսզի հանգուցալուծում լինի եւ նման սադրանքները չկրկնվեն․ «Բազմաթիվ այլ գործոններ պետք է հաշվի առնել։ Խաղաղապահների հետ մեր հանդիպումների ժամանակ մենք բոլոր հարցերը բարձրաձայնում ենք»։
Արցախի պետնախարար Գուրգեն Ներսիսյանն էլ իր հերթին նշեց, որ խաղաղապահների կողմից այդ «բնապահպանների» հեռացումը ենթադրում է ֆիզիկական ուժ, բռնություն, ինչն իրավիճակի վատթարացման կարող է տանել․ «Ուստի նրանց զգուշավորությունը տեղին է, դրա համար աշխատում են երկխոսելու ջանքերով լուծել հարցը»։
Կարդացեք նաև
Լուիզա ՍՈՒՔԻԱՍՅԱՆ
