«Հանրապետություն» կուսակցության նախագահ Արամ Սարգսյանը ֆեյսբուքյան իր էջում գրում է.
«Ադրբեջանը իր տարածքով իրանական մեքենաների դեպի ՌԴ տեղաշարժի բազում խնդիրներ է ստեղծել։ Ի պատասխան՝ պարսիկները նույնն են արել Նախիջևանից դեպի Ադրբեջան գնացող մեքենաների դեպքում, և կիլոմետրերով հերթ է գոյացել։ՀՀ-ն ՌԴ-ի հետ սահման չունի, վրացիներն էլ աչք չեն փակում ռազմական բեռների վրա։ Լարվածությունը Ադրբեջանի և Իրանի միջև է: ԱՄՆ-ը և Իսրայելը Ադրբեջանի կողմից են, ՌԴ-ն՝ Իրանի, որովհետև այդ բեռները իրեն են պետք։ Ադրբեջանը սկսել է բաց հակադրվել ռուսներին, այսինքն՝ իրենք ուզում են հավատարմության երդումներ տալ ԱՄՆ-ին, դա ևս մեկ պատճառ և հիմնավորում է, որ ազերիները հիմա ուժի չեն դիմի»։
