Aravot.am-ի տեղեկություններով, ՀՀ ոստիկանություն օպերատիվ տեղեկություններ են ստացվել, որ Լոռու մարզի Մարց համայնքի նախկին ղեկավար Ռոբերտ Գալստյանն իր պաշտոնավարման տարիներին՝ 2005-2021 թթ․, փաստաթղթային կեղծիքների միջոցով շահադիտական նպատակներով ուռճացրել է սպառողական կոոպերատիվի կազմում միավորվելու ցանկություն ունեցող համագյուղացիների թվաքանակը։
Մասնավորապես նա հիմնել է «Մարց համայնքի արոտօգտագործողների միություն» սպառողական կոոպերատիվը եւ հետագայում այն օգտագործել է անձնական շահ ստանալու նպատակով։ Օպերատիվ հետախուզական միջոցառումների եւ կատարված ստուգումների արդյունքում պարզվել է, որ «Մարց համայնքի արոտօգտագործողների միություն» սպառողական կոոպերատիվի անդամներից ոմանք տեղյակ չեն եղել, որ իրենք այդ կոոպերատիվի անդամ են, ըստ այդմ էլ անդամավճարներ չեն վճարել, ընդհանրապես ժողովների չեն մասնակցել, վկայականներ չեն ստացել:
Գալստյանը խարդախությամբ պետությունից ձեռք է բերել եւ ապօրինի տնօրինում է ընդհանուր շուրջ 16.113.000 ՀՀ դրամ արժողությամբ մեկական՝ անիվավար տրակտոր, խոտհնձիչ, հավաքիչ մամլիչ, խոտհավաք եւ 3 հատ ձեռքի ղեկավարման ինքնագնաց խոտհնձիչ, որոնք ՀՀ ՆԳՆ ոստիկանության Վանաձորի ՀՔԲ-ում չեն հաշվառվել:
Ձեռնարկվում են միջոցառումներ Ռ. Գալստյանին հայտնաբերելու համար։
Կարդացեք նաև
Արմեն ԴԱՎԹՅԱՆ
