«Առաջիկա կիրակին Հայոց ազգային տոնացույցով կոչվում է Դատավորի կիրակի, այն թերեւս համընկել է նրան, որ այսպիսի կազմով բարձրագույն խորհուրդը հրավիրում է հավաք, որտեղ ներկա է դատավորների գերակշիռ մեծամասնությունը, եւ այն տեղի է ունենում Դատավորի կիրակիի շեմին» ,-ասաց ԲԴԽ նախագահ Կարեն Անդրեասյանը՝ ներկայացնելով Դատավորի կիրակիի խորհուրդը:
Նրա խոսքով. «Դատավորի կիրակին անիրավ դատավորի մասին է: Ուղիղ 10 տարի առաջ հենց այս օրերին ես հանդիպում էի երկրի ոչ թե դատավորների, այլ ՄԻՊ գրասենյակի աշխատակիցների հետ եւ իրենց ասում էի, որ ժամանակն է հարված հասցնելու անիրավ դատավորներին:
Ամեն օր Մարդու իրավունքների պաշտպան աշխատելիս մեր գրասենյակը ստանում էր եթե ոչ հարյուրավոր, ապա տասնյակ բողոքներ դատական համակարգից: 2013 թ․-ին՝ ուղիղ 10 տարի առաջ այս օրը, տեղի է ունեցել հետեւյալը. այն ժամանակվա 230 դատավորներից այսօր 114-ը դուրս են եկել: Այսինքն, գերակշիռ մեծամասնությունը փոխվել է, տեղի է ունեցել համակարգի ինքնամաքրում» ։
Նա նշեց, որ Հայաստանում այսօր կա 280 դատավոր, որոնցից 144-ը նշանակվել է հեղափոխությունից հետո: ԲԴԽ նախագահի խոսքով, առաջիկայում էլ ինքնամաքրումը կարվի Սահմանադրության համաձայն:
Կարդացեք նաև
«Մեկ կաշառակեր դատավորրը ավելի է վարկաբեկում դատական համակարգը, քան 200 մարդու իրավունքների պաշտպանները, մի քանի հարյուր նախարարներն ու հասարակական, քաղաքական գործիչները»,-ընդգծեց Կարեն Անդրեասյանը:
Գոհար ՀԱԿՈԲՅԱՆ
Մանրամասն՝ տեսանյութում
