Ռուսաստանի ԱԳՆ պաշտոնական ներկայացուցիչ Մարիա Զախարովան այսօր տեղի ունեցած ճեպազրույցում մեկնաբանել է Հայաստանի վարչապետ Նիկոլ Փաշինյանի կողմից հերթական անգամ օրերս տեղի ունեցած ասուլիսում արված այն պնդումը, թե ոչ թե Հայաստանն է ՀԱՊԿ-ից դուրս գալիս, այլ ՀԱՊԿ-ը՝ Հայաստանից:
«Երբ ես դա կարդացի, չգիտես ինչու հիշեցի ևս երկու մեջբերում «Ո՞վ էր ում վրա կանգնել (Բուլգակով) և «Պետք է սիրել արվեստը քո մեջ, ոչ թե քեզ արվեստում» (Ստանիսլավսկի): Հարցի այս մասը ես թողնում եմ ձեր հետագա վերլուծությանը, փորձեք հասկանալ՝ ինչի մասին էր խոսքը»,- ասել է Զախարովան:
Նա նաև նշել է, որ 2022թ. սեպտեմբերի 13-ին և հոկտեմբերի 28-ին տեղի են ունեցել ՀԱՊԿ Հավաքական անվտանգության խորհրդի արտահերթ նստաշրջաններ, Հայաստան են ժամանել գլխավոր քարտուղար Ստանիսլավ Զասը և Միավորված շտաբի ղեկավար Անատոլի Սիդորովը: Բացի այդ, ըստ Զախարովայի, պատրաստվել է Հայաստանում ՀԱՊԿ մոնիթորինգային առաքելության տեղակայման նախագիծ, իսկ համապատասխան որոշման մշակումները Երևանում գրեթե ավարտին էին հասել:
«Միաժամանակ, հայ գործընկերների առանձին պահանջների պատճառով, որոնք խնդրահարույց էին ՀԱՊԿ մյուս անդամների համար, այդ որոշումն արդյունքում չստացվեց»,- ասել է Զախարովան:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
