Քաղաքագետ Տիգրան Գրիգորյանի ֆեյսբուքյան գրառումը
Ուրախալի է, որ Հայաստանի դիրքորոշումները վերջին շաբաթների ընթացքում շատ ավելի հստակ են դարձել։ Մասնավորապես, կարծես թե, արդեն իսկ տեսանելի է, թե Երևանը ինչ նկատի ունի` Լեռնային Ղարաբաղում անվտանգության երաշխիքների մասին խոսելիս։
1.Երկարաժամկետ խաղաղապահ առաքելության առկայություն։
2.Ինքնապաշտպանական ուժերի առկայություն։
Կարդացեք նաև
3.Լեռնային Ղարաբաղի շուրջ ապառազմականացված գոտու ստեղծում։
4.Արցախում միջազգային ներկայություն ու ներգրավվածություն։
Գովելի է նաև, որ վերջին շրջանում հայաստանյան պաշտոնյաները խոսում են Բաքու-Ստեփանակերտ ուղիղ բանակցային միջազգային, այլ ոչ թե միջազգայնորեն տեսանելի մեխանիզմի ստեղծման անհրաժեշտության մասին։
Այս բոլոր կետերի վերաբերյալ ամիսներ շարունակ խոսում էի արտասահմանյան տարբեր դիվանագետների ու փորձագիտական խմբերի հետ հանդիպումների ընթացքում։
Հ.Գ. Փաշինյանը կառավարության նիստի իր ելույթում այսօր նշել է, որ ոստիկանների դեմ հարձակումը տեղի է ունեցել Լաչինի միջանցքում։ Չգիտեմ` ով է պատրաստել ելույթը, բայց դա սխալ պնդում է։ Այդ տեղանքը դե յուրե նախկին ԼՂԻՄ-ի մաս է և այժմ գտնվում է դե ֆակտո հայկական վերահսկողության տակ ու չի կարող միջանցքի մաս համարվել։
