Հերթական ծեծկռտուքը պարեկների և քաղաքացիների միջև. Shamshyan.com

Shamshyan.com. Երեկ՝ մարտի 15-ին, պարեկների և քաղաքացիների մասնակցությամբ ծեծկռտուք է տեղի ունեցել Գեղարքունիքի մարզում։ Ժամը 22։00-ի սահմաններում ՀՀ ներքին գործերի նախարարության Ոստիկանության Պարեկային Ծառայության Գեղարքունիքի մարզի գումարտակի 2-րդ վաշտի 2-րդ դասակի պարեկները ծառայություն են կատարել Մարտունի խոշորացված համայնքի Արծվանիստ բնակավայրի վարչական տարածքում։ Գյուղամիջյան ճանապարհով երթևեկելու ժամանակ պարեկները նկատել են նույն բնակավայրի բնակիչ 28-ամյա Նարեկ Ա-ին։ Վերջինս գտնվել է ճանապարհի միջնամասում։ Եվ երբ պարեկները նրա կողքով անցնելիս են եղել, Նարեկ Ա․-ն հայհոյանքներ է հնչեցրել պարեկների հասցեին։

Պարեկները կայանում են իրենց ավտոմեքենան, ապա մոտենում Նարեկ Ա․-ին, ներկայանում ու պարզելու համար հարցնում, թե ինչի համար է հայհոյանքներ հնչեցնում իրենց հասցեին։ Սակայն նա շարունակում է հայհոյանքներ տալ։

Պարեկները Նարեկ Ա․-ին հայտնում են, որ հայհոյանքներ հնչեցնելու համար նրան կարող են տեղափոխել Ոստիկանություն։ Ու հորդորում են, որ դադարեցնի հայհոյանքներ տալը։ Սակայն դա էլ օգուտ չի տալիս։

Պարեկները ստիպված փորձում են նրան վարչական ձերբակալման ենթարկել։ Բայց այդ պահին մոտենում է նրա հայրը՝ 53-ամյա Վալենտին Ա-ն, որը ոչ միայն խոչընդոտում է պարեկների օրինական գործողություններին, այլև սկսում է ինքն էլ հայհոյանքներ հնչեցնել ու քաշքշել ծառայություն կատարող պարեկներին։

Կարդացեք նաև

Ադրբեջանական բռնազավթման հետեւանքով որքա՞ն վնաս է կրել Գեղարքունիքի տնտեսությունը․ մարզի իշխանությունները խուսափում են անվտանգային հարցերից

• 13:50 02.11.2024

Կյանքը՝ թշնամու թիրախում հայտնված Սոթքում․ «70 տոկոսով կրճատվել է անասնապահությունը, հողերը ադրբեջանական դիտարկման տակ են»

• 17:05 30.10.2024

«Մենք ունենք մեր տարածքից օկուպացված տարածքներ, եւ վստահ եմ, որ այդ տարածքներից հակառակորդը դուրս է գալու»․ Գեղարքունիքի մարզպետ

• 14:02 17.10.2024

Դրանից հետո Արծվանիստ բնակավայրի բնակիչներ՝ 27-ամյա Նարեկ Ե․-ն, 27-ամյա Անդրանիկ Ա․-ն և 25-ամյա Կառլեն Հ․-ն են մոտենում նշված վայր ու քաշքշում պարեկներին։ Նրանցից մի քանիսը ձեռքերով հարվածներ են հասցնում դասակի հրամանատար Գրիշա Գ․-ին և ավագ պարեկ Սամվել Ս․-ին։

Այնուհետև՝ կարճ ժամանակ անց, ահազանգով ժամանած Ոստիկանության Մարտունու բաժնի և Պարեկային ծառայության Գեղարքունիքի մարզի գումարտակի պարեկները կարողանում են բոլորին տեղափոխել Ոստիկանության Մարտունու բաժին։

Լուսանկարը՝ Գագիկ Շամշյանի

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի՝ օրինական ուժի մեջ մտած դատավճռով։

Նյութն ամբողջությամբ՝ սկզբնաղբյուր կայքում