«Մեր գնահատականն այն չէ, որ մենք ՀԱՊԿ-ից դուրս ենք գալիս, մեր գնահատականն այն է, որ ՀԱՊԿ-ն է մեզնից դուրս գալիս»,-ասում է Նիկոլ Փաշինյանը: Թվում է, հանճարեղ ձեւակերպում է` մեջը ե՛ւ հանգ կա, ե՛ւ Ռուսաստանի նման հզոր երկրին ուղղված ապտակ, ե՛ւ Արեւմուտքին ուղղված ռեւերանս, ե՛ւ հակառուսների քիմքը շոյող ըմբոստություն: Իրականում սա ընդամենը լրագրողի, խմբագրի հնարք է` բառախաղ, հնչեղ արտահայտություն, որը որեւէ բովանդակություն չունի: Այս բառախաղով, իրականում, փորձ է արվում դեմագոգիայի տակ թաքցնել այն հստակ նպատակը, որն ունեցել են այս իշխանության մաս կազմող անձինք դեռեւս 2018-ի հեղափոխությունից էլ առաջ:
Արեւմտյան կողմնորոշումը, դաշնակիցներին փոխելու նպատակադրումը կարմիր գծի նման անցնում են նրանց կենսագրության միջով: Երիտասարդների այս թիմը, որն իշխանության եկավ հենց Արեւմուտքից ֆինանսավորվող հասարակական կազմակերպությունների եւ նրանց իդեոլոգների ակտիվ աջակցությամբ, պաշտոնավարման առաջին իսկ օրվանից չի թաքցրել արեւմուտքի նկատմամբ ունեցած համակրանքն ու հակառուսական էությունը: Եվ ՀԱՊԿ-ից դուրս գալու ծրագիրն էլ նոր չէ:
Արմինե ՕՀԱՆՅԱՆ
Հոդվածն ամբողջությամբ՝ «Հրապարակ» օրաթերթի այս համարում
