«Բոլոր քայլերը փորձում ենք ձեռնարկել, որ ՀՀ-ի ներդրումային գրավչությունը մեծանա։ 4-5 տարվա տառապանքից, չարչարանքից ու ուսումնասիրությունից հետո հուշագիր ստորագրեցինք Ամուլսարի հանքի շահագործման համար։ Դա շատ մեծ ու լուրջ ներդրումային խթան է ՀՀ-ի համար»,-լրագրողների հետ հանդիպմանն այսօր հայտարարեց վարչապետ Նիկոլ Փաշինյանը։
Նա նշեց․ «Այս ընթացքում շատ կարեւոր բան փոխվեց, որ ՀՀ կառավարությունը 12,5% փայաբաժին է ստանում նախագծում։ Այսինքն՝ ՀՀ ժողովուրդը։ Սա նշանակում է, որ շահույթներից ՀՀ բյուջեն կստանա եկամուտներ։ Տարեկան յոթ միլիոն դոլար ազդակիր համայնքները կստանան։ Սա նշանակում է, որ Ջերմուկը, Վայքը, Սիսիանը տարեկան բյուջեներն առնվազն կկրկնապատկեն։ Առնվազն Ջերմուկինն ու Վայքինը։ Հետեւաբար, սուբվենցիոն հնարավորությունները կկրկնապատկվեն՝ աշխատատեղեր, ներդրումային հնարավորություններ․․․»։
Լուիզա ՍՈՒՔԻԱՍՅԱՆ
