ՀՀ հատուկ հանձնարարություններով դեսպան Էդմոն Մարուքյանի թվիթերյան գրառմամբ արձագանքել է Ադրբեջանի նախագահի օգնական Հիքմեթ Հաջիևին․ «Հաջիևը պնդում է, որ ԼՂ հայերի անվտանգության և իրավունքների համար միջազգային մեխանիզմներ չեն գործի:
Նա պնդում է, որ դա Ադրբեջանի ներքին գործն է։ Եվս մեկ անգամ պետք է հիշեցնեմ՝ մարդու հիմնարար իրավունքներն ու ազատությունները, հազարավոր մարդկանց անվտանգությունը ներքին խնդիր չեն համարվում Երկրորդ համաշխարհային պատերազմից ի վեր»։
Ղարաբաղի հայերի իրավունքների և անվտանգության քննարկման միջազգային մեխանիզմի ստեղծումը չի կարող պայման լինել Հայաստանի կողմից Ադրբեջանի հետ խաղաղության պայմանագրի ստորագրման համար, ասել էր Ադրբեջանի նախագահի օգնական Հիքմեթ Հաջիևը Report գործակալությանը տված հարցազրույցում։ «Դա ամենևին անընդունելի և վտանգավոր մոտեցում է»: Նրա պնդմամբ՝ այդ մասին խոսք լինել չի կարող, Բաքուն երբեք դրան չի համաձայնել, և Երևանի պնդումներն այդ կապակցությամբ անտրամաբանական են, ուղղված են «արհեստական լարվածություն ստեղծելուն»։
«Ադրբեջանն իր ինքնիշխանության հետ կապված հարցեր չի քննարկի մեկ այլ երրորդ կողմի, այդ թվում՝ Հայաստանի հետ», – ասել է Իլհամ Ալիևի օգնականը:
Կարդացեք նաև
Hajiyev claims there won't be international mechanisms for security and rights of NK Armenians. He insists that it's Azerbaijan's internal affair. I must remind again: fundamental human rights & freedoms, security of thousands of people aren't considered internal issue since WW2.
— Edmon Marukyan (@edmarukyan) March 13, 2023
