Կապանի Օխտար բնակավայրի միջնակարգ դպրոցի աշակերտական ավտոբուսը՝ դեպի Կապան ուղեւորվելուց, Կապան-Առաջաձոր ավտոճանապարհին վթարի է ենթարկվել։ Մոտ 5 մետր բարձրությունից ավտոբուսը ընկել է գետը։ Ավտոբուսի մեջ մանկավարժներ, աշակերտներ եւ այլ աշխատակիցներ են եղել։
Մինչ փրկարար ծառայության եւ շտապ օգնության հասնելը՝ առաջին օգնությունը ցույց են տվել գյուղացիները՝ փորձելով տուժածներին հանել։
Aravot.am-ի տեղեկություններով, աշխատակիցներից մեկը մահացել է, մահացածի ինքնությունը ճշտվում է, 15 հոգի տարբեր վնասվածքներով գտնվում են Կապանի բժշկական կենտրոնում։
Դեպքի վայր է մեկնել Սյունիքի մարզպետ Ռոբերտ Ղուկասյանը, որն այս պահին մարզպետի տեղակալ Նարե Ղազարյանի հետ Կապանի բժշկական կենտրոնում է։
Կարդացեք նաև
Մանրամասները կներկայացնենք առաջիկայում։
Արմեն ԴԱՎԹՅԱՆ
