ԱԺ աշխատանքի եւ սոցիալական հարցերի մշտական հանձնաժողովի անդամները մարտի 2-ին հանդիպել են «Թրանսփարենսի Ինթերնեշնլ հակակոռուպցիոն կենտրոն» (ԹԻՀԿ) հասարակական կազմակերպության «Արժանապատիվ աշխատանք հիմա՛» ծրագրի ղեկավար Քրիստինե Մարգարյանին եւ ծրագրի փորձագետ Արմեն Խուդավերդյանին:
Ծրագրի շրջանակում ԹԻՀԿ-ն իրականացրել է ՀՀ առողջապահական եւ աշխատանքի տեսչական մարմնի (ԱԱՏՄ) աշխատանքային իրավունքի, ներառյալ աշխատողների առողջության պահպանման եւ անվտանգության ապահովման ոլորտում օրենքով սահմանված պետական վերահսկողության լիազորությունների, այդ թվում՝ օրենսդրության կիրարկման մոնիտորինգ` ներկայացնելով համապատասխան առաջարկներ:
Հանդիպման ընթացքում քննարկվել են մոնիտորինգի զեկույցը եւ դրանում ներառված առաջարկությունները, դրանց իրացման հնարավորությունները:
Հանձնաժողովի նախագահ Հերիքնազ Տիգրանյանը հանձնաժողովի անունից պատրաստակամություն է հայտնել կազմակերպել աշխատանքային քննարկում շահագրգիռ կառույցների ներգրավմամբ` զեկուցի արդյունքների հիման վրա կոնկրետ առաջարկներ ձեւակերպելու կամ նախագծեր մշակելու համար:
Կարդացեք նաև
ԱԺ
